Godigo Nogi Ugwaba Sabo Tęąbi Po Wabo Buku Dabe 145:4 - Godigo dwagi yai po buku

⁴ Megi bidalubo we bidi hani augwaligo te gasa nosali pedalubo hanibolo nago ebo sę po pusuyu, tama augwaligo nago nogi ugwaba saibao. Tama augwaligo nago genuai sę yali po miaibao.

Godigo Nogi Ugwaba Sabo Tęąbi Po Wabo Buku Dabe 145:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 71:18

Megi da, ena monu dabe elama, te ena tobolu nisi ayadeba yalio, tiali digi God, nago ena me tagagio. Nage ena dali bidiyu, tama eno nago genuai bomode po te nosali pedalubo we bidi dabe pusaibao.

Aisaia 38:19

Te bidibo ula elalubo bidi dabe, augwaligo naga nago nogi ugwaba siyu, te megi eno ebo tiwai yaibao. Te aya dabego te augwa wai dabeba te nago wiegi yai sę sesemane sogo ebo po waibao.”

Bomai Po 6:7

Tama dagego te bomai po duga wai bǫų dabebolo tigidali sogo ola mayu yao. Tama augwalibolo te bomai po duga bede bidiyu, me dage sunumidu peyu me, me dage toma tubo sogo me, ma dage duga sę ebo sogo dagego te bomai po duga wai dabebolo ola mao.

Bomai Po 4:10

te dagego te God Genuai Bidi pąde dolaluyu suali, te po pusao, te Sainai bulu dude. Te sogo Godigo enabolo te po wali, ‘Te tigidali we bidi i olama sisinao. Eno homugo augwaligo eno wabo po odomainao. Tama tiyu, augwali e tǫde bidiyu, ena dologode naga elalumainao. Tama augwaligo augwa wai dabeba me nosali ola menama, tama augwali me ena dologode elalumainao,’ Godigo enabolo te po wali.”

Esta 9:28

Augwaligo e tama tiwai po wai, te tigidali Juda hani sibi deli delide te nosali pedalubo tigidali wąį dabe badi, te tigidali tǫ pedaide bidibo Juda we bidi me, te genuai hanude bidalubo we bidi tigidali augwaligo te bodolu muani, te Purim te bodolu side te tigidali kibu bede te toma tuyu bidao po wai dao.

Jopgo Po Asęani Elalubo Buku 8:10

Polobadu bidi dabego dwagi yai kolesaga dali dwagi yai homu elaluali, tama augwaligo nage ola mawaibao,” wali.