Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 145:1 - Godigo dwagi yai po buku

1 God, me eno tuni bidi, te eno nago genuai nogi po pusaibao. Tama sesemane sogo bidada peyu, eno nagebolo usu da po waibao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 145:1
31 Referans Kwoze  

Godigo nage te king nigilama, tama nage te king sesemane bidada peyu, bidada paibao. Nago te naga we bidi dabe te doloba pai kolesagade naga tonalubo dao.


Tama tialima, eno pedauwali me pania sogobeo. Te eno nago nogi ugwaba sabo tęąbi po waibao. Genuai Bidi, nage eno God da, te eno sesemane sogo nageba usu da weyu, gedu haluasa po waibao.


Te eno Godiba usu da weyu, gedu haluasa po weyu, tama eno aga nogi sesemane sogo ugwaba sobao.


Tama te tuni bidigo aga dolo nogo badu bidibo bidi dabebolo po weyu, te po waibao, ‘Dage da, te eno Ayago dage dali wiegi yai sę mu yai dao. Polobadu mu agai te tǫ nigali sogode agai we bidi tonalubo kolesaga sisi ilama, tama tede dage bidabo madi sisi ilali elalubo. Dage aselama, te bulu tomoba dage asiąo.


Magi baso meni. Genuai Bidi aga digi dago tuni bidi bidama, tama po tų dabe dodolobo sę elama, tama aga digi da bomai po dabe menama, da tonaluaibao. Tama agai da bugagia tonaluyu, tama da dwai dene me sogobeo.


Te wiegi yai po hauwa eno homude elalubao. Eno te tęąbi po asęnama, te kingba mawainu yali. Eno pedauwali da, te wiegi yai kuskus bidigo te po asębo hoda pen tiwai dao.


Nage eno king me eno God dao. Nago po obaso, tama te Jekopgo hanigo te boi hwįbode te boi bidi dabe aiyaba elalubo dao.


Genuai Bidi, nago ena ma selama, tama nago ena te boi bidi dabego aiyaba elaluama, te kęnę omainu me ebeo. Tama tibaso, eno nago nogi te ugwaba mu sobao.


Te aga nogi asęani aga ugwade me te sągą telede me elaluai. Te nogi asęani e tama tiwai, tigidali tuni bidigo Tuni Bidi, te tigidali genuai bidi kingo Genuai Bidi King dao.


Ena Genuai Bidi, eno te po wali, te tibo po wabo bidi dolaibao wali. Te tobage bidigo te wiegi yai omai kibu te banisde elalu, te enaba mawaiba po dąų wali, tiali goli agai te dwai kibugo ofa ilali. Te kolesaga dolo me ebeo, magi baso meni, ena genuai king dao, te tigidali hani bidi enade wi elama, te ena dologoba pelama bidibo dao. Tama tibaso, te wiegi yai nai naga enaba te ofa eyu mao,” Genuai Bidigo te po wai.


Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.


Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.


Te eno Genuai Bidigo nogi sesemane sogo ugwaba saibao. Tama tigidali nai agai nigali, dagego aga wiegi yai olo bugagia bidibo nogi sesemane bidada pabo sogo ugwanu mu sao.


Tigidali tǫde we bidi, dagego God dali dwagi yai homu elama, tęąbi wao.


Magi baso meni, Genuai Bidi aga te bomai God dao. Aga te bomai king, tama te tigidali tibo god daide aga ugwadu daide bidibao.


Dago te Godigo nogi ugwaba sabo tęąbi po wao. Aga te pǫ dabede dugulasa, tama pabo dao. Agai sunumi dodolao. Aga nogi te Genuai Bidi dao. Dago aga gedude wiegi yai pemene yao.


God, nago ena tau sali, tama tiyu, eno sesemane sogo nageba usu da weyu, gedu haluasa po wabo dao. Tama te nago we bidi dabego gedude te eno nago nogi ugwaba siyu, tama eno te po waibao, “Godigo te wiegi yai kolesaga enaba ebo da,” po waibao.


Nage king me eno God da, te nago ena tau somainu, eno nageba gedu haluasa po obaso, nago eno i wabo odao.


“Dago God da, megi dago nageba buba hwi obao, te nago genuai nogi ugwaba sobao.


Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.


Genuai Bidi, nage eno God da, tama eno gedu haluasa po nageba olama, tama nago ena usu ma ilai dao.


Tiali goli, eno te Jekopgo God po te sesemane hanilama pusaibao, tama eno agai nogide te tęąbi umabo mu udubadi geaibao.


Genuai Bidiba balia wao. Agai nogi ugwaba sao. Agai da ma sai. Te tigidali side dago te po te we bidi dabeba pusa maiąo.


Nage eno God da weyu, tama eno nageba puba hwi waibao. Nage eno God, tama te eno nage nogi ugwaba saibao.


Te ena tǫde bidibo tigidali sogo, te eno aga nogi ugwaba saibao. Te eno ena Godigo nogi ugwaba sabo balia po odubadi, te ena isiboba usu nigi paibao.


“Genuai Bidigo ena usu ma ilali. Te tigidali side da te Genuai Bidigo tempel beba pelama, te balia po weyu, musik weyu, te agai nogi ugwaba saibao. Dago te tiwai sę te da bidibo ula elalubo sogo tiwaibao,” te po wai.


Swiv nou:

Piblisite


Piblisite