Godigo Nogi Ugwaba Sabo Tęąbi Po Wabo Buku Dabe 144:3 - Godigo dwagi yai po buku

³ Genuai Bidi, da we bidi te magi nai da weyu, tama nago dade homu kone ebawe? Da te olo bage tiwai, tialima magi baso tama nago dade homu wei ebo dawe?

Godigo Nogi Ugwaba Sabo Tęąbi Po Wabo Buku Dabe 144:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 8:4

eno midigi siyu, tama homu ebo da, ‘Da tǫde bidi te magi nai, tama nago dade homu kone ebo dawe? Da te olo nai tiwai da. Magi baso nago da te bugagia tonalubo dawe?’

Jopgo Po Asęani Elalubo Buku 7:17

“Da we bidi magi nai dao olama, nago da homu ebo dawe? Magi baso nago da tigidali sogo tonalubo dawe?

Hibru 2:6

Te Godigo po bukude asęani po me delide te bidi me deligo te po pusai, “God, bidi dabe augwali te magi nai da weyu, tama nago augwali homugo konebo dawe? Magi baso nago augwali tonalubo dawe? Augwali tǫde bidibo bage naga dao.

Jopgo Po Asęani Elalubo Buku 15:14

We me, bidi me, Godigo gedude doloba pai me elalubeo.

Godigo Nogi Ugwaba Sabo Tęąbi Po Wabo Buku Dabe 8:5

Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.

Aisaia 2:22

Dagego homugo bidi mego da tau saiba homu elamuo. Mu menio. Da bidi da olo nai mu dao. Magi baso meni. Da pęwądage sogo bididama, tama da isaibao.