Godigo Nogi Ugwaba Sabo Tęąbi Po Wabo Buku Dabe 143:3 - Godigo dwagi yai po buku

³ Te eno boi bidigo te ena pobeasa bilama, tama ena aiyaba mu elalualio. Agai ena te be hulia sai pesageba kalabus elama, tama ena polobadu isai bidi tiwai gana yalio.

Godigo Nogi Ugwaba Sabo Tęąbi Po Wabo Buku Dabe 143:3 Referans Kwoze

Te We Bidi Dabego Jerusalem Hagede Gela Wali 3:6

Agai ena hulia sai madi bidimainu ilalio, te polobadu mu isai bidi dabe tiwai mu tama tiali.

Godigo Nogi Ugwaba Sabo Tęąbi Po Wabo Buku Dabe 142:6

Te nago ena tau somainu, te eno nageba i wabo odao. Magi baso meni, eno haliga te sęgę mu ebao. Te enaba dwai sę yainu ebo bidi dabe augwaligo te bomo mu ebaso, tama eno augwali aiyaba elaluainu ebo usu egobeo. Tama tiyu, nago ena te augwaligo nogode ma dobola sao.

Godigo Nogi Ugwaba Sabo Tęąbi Po Wabo Buku Dabe 35:4

Te bidi dabego ena ela muainu ebao. Nago te hwįyu, augwali elaluama, tama augwali hale ilao. Augwaligo te ena dolabo po mia sali. Nago augwali pobelama, tama augwali kone tua pomainu mu yao.

Godigo Nogi Ugwaba Sabo Tęąbi Po Wabo Buku Dabe 7:5

teda, nago te boi bidi dabego ena pobelama, tama ena tola somainu yagameo. Tama augwa ena ela muyu, tama ena mu dolomainu yaibao. Awe, eno tigi te tǫ daide olo elalumainao.

2 Samuel 18:11

Tama Joapgo te tama po agabolo wali, “Mu tama, nago aga sualiwe? Tialima, magi baso nago te aga polo ela muai meniwe? Te nago aga ela mugi sogo da, teda eno nagebolo te mone 100 kina me, te kukulu me deli me, te nageba magi dao,” wali.

2 Samuel 2:22

Tialima, Apnergo agabolo ma wali, “Ena sula tagalao. Nago homugo te eno nage ela mumainu eba, agawe? Tiali goli, te eno nage ela mubaso da, teda ena te nago ama Joap gedude te dwai hale mu yaibao,” wali.

Esekiel 37:11

Tialima, Genuai Bidigo enabolo te po wali, “Tǫde bidi, te kalabuside megi bidibo Israel dabe tigidali augwali da, te bidi dili dabe wa pai tiwai dao, tama augwaligo te po wabo dao, ‘Te dago dili dabe mu wa pai dao, tama bugagia munu ma me bidigobeo. Tama da mu tama mu hagawaibao.’ Augwaligo po da te tama goli dao.

Godigo Nogi Ugwaba Sabo Tęąbi Po Wabo Buku Dabe 54:3

Te hagoma ebo bidi dabe aselama, te augwaligo ena dali hwįainu ebao. Te homu dene isiąbo bidi dabe augwaligo ena ela muainu ebao. Te bidi dabe augwaligo homugo te God olo nai tiwai da homu ebo dao.

Godigo Nogi Ugwaba Sabo Tęąbi Po Wabo Buku Dabe 7:6

God, nago haliga sębę elama, te nage hogodama, tama te boi bidi dabego dwai sębę eyu, ena dali bomonama mu hwįbaso, te nago augwali dwai dene ilao. Ena God, te nago ena polo mu tau sao. Magi baso meni, nago te doloba pai kolesaga naga wei homu ebo dao.

Maika 7:8

Te dago boi bidi dabego te dabolo posobo po omainu me ilamuo. Mu tama, da tulaluali, tiali goli, te da ma hodaluaibao. Da be hulia side megi bidibao, tiali goli te Genuai Bidigo ula dabolo mawaibao.