Godigo Nogi Ugwaba Sabo Tęąbi Po Wabo Buku Dabe 143:10 - Godigo dwagi yai po buku

¹⁰ Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

Godigo Nogi Ugwaba Sabo Tęąbi Po Wabo Buku Dabe 143:10 Referans Kwoze

Dwagi Yai Gesi Po Jongo Asęani 14:26

Tama dage tau siyu bomo maiabo bidi mu da te Godigo Mobo Bidi dao. Tama eno nogide Ayago te Mobo Bidi tagala palaibao. Te Mobo Bidi agai dage tigidali sę ola mawaibao. Tama agai dagego homu kolesaga ma hodoloyu, tama eno wali po tigidali dagego homugo ma koneaibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 23:3

Agai enabolo gesi bomo mabo dao. Tama agai ena te doloba pai sunumidu odasa pabo dao, te agai tama tiaiba po polobadu wali gilama ebo dao.

Godigo Nogi Ugwaba Sabo Tęąbi Po Wabo Buku Dabe 119:12

Genuai Bidi, eno nage nogi ugwaba sobao. Nago dwagi yai bomo yai po ena ola mao.

Nehemia 9:20

Nago te naga wiegi yai Mobo Noma Bidi te augwaliba mayu, te augwali ola momainogo yai. Tama nago te tubo nai mana me wę augwali menama, te augwali te nai me wę dali tumainu yai.

1 Jon 2:27

Tialima dagede, dage Kraisgo aga Mobo Bidi olo mayu tama aga dage dali me bidibao. Tama aga Mobo Bidi dage dali bidibadi, te sogo dage te po ola mabo bidi dage dali me sǫą pabeo. Dagego te gasa po ola mabo bidi dabe sabo homu egio. Menio. Mobo Bidi agai dage tigidali kolesaga ola mabo dao. Tama te Mobogo mu po tama naga wabo dao. Agai tibo po me wabeo. Agai tama tibaso, dagego agai po wali peyu tama Krais dali wadoloyu bidiąo.

Polgo Si Wali Pas Timotiba Asęani - 2TI 1:7

Magi baso meni, te Godigo da te wi ebo bage bidimainu aga Mobo Bidi dabolo me mabeo. Menio. Agai Mobo Bidigo dabolo te bomo hauwa me, te dena ama dede dali dwagi yai homu eyu godolo ebo kolesaga me, te dena digi bugagia tonaluabo bomo me, te dabolo momainogo eyu, Godigo aga Mobo Bidi dabolo mani.

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

Godigo Nogi Ugwaba Sabo Tęąbi Po Wabo Buku Dabe 140:6

Eno Genuai Bidiba te tama po walali, “Nage eno God dao,” obao. Genuai Bidi, nago ena homu dene eyu, tau sao. Eno i wabo odao.

Godigo Nogi Ugwaba Sabo Tęąbi Po Wabo Buku Dabe 31:14

Tiali goli, tagalao. Genuai Bidi, eno konealubo homu nageba dąų wabo da. Eno te tama wali, nage eno God da po wai.

Polgo Po Pas Rom Dabeba Asęani 8:26

Te bugagia tonalubo kolesagago da tau sabo dao. Te tebo kolesagade me te Godigo Tedali Mobo Bidigo te da bomo meni yai bidi me tau sabo dao. E tiwai dao, dago te God dali gedu haluasa po wabo tų te kuna gisiga konebo menio. Tiali goli Godigo Mobo Bidigo digi da tau siyu, Godibolo gedu haluasa po wabo dao. Agai homude bomo eyu tama te hę wabo tiwai eyu, te pusisąbo pogo agai Godibolo te po wabo dao.

Polgo Po Pas Rom Dabeba Asęani 8:2

Magi baso meni, ena megi da Krais Jisasde tia selama tama Godigo Tedali Mobo Bidigo tų dalali. Te da te dena homude elalubo dwai sę ilibo kolesaga dologode me bidibadi, tama da te isai bidi tiwai bidiyu tama da Godide tedali bidai dao. Tama da te tama tiwai me bidibo tagalomainogo eyu, tama Tedali Mobo Bidigo gasa tų dawai, te da olo bugagia bidimainogo agai tama tiai dao.

Polgo Po Pas Rom Dabeba Asęani 5:5

Tama tiyu, tama te dago aga bugagia tonalubo kolesaga te tulalugobeo, te kolesaga ebogo da guni bula sabo bidi tiwai pedalogobeo. Magi baso meni. Godigo aga Tedali Mobo Bidi dabolo mani, tama agai te Godigo da dali wiegi yai homu eyu tama godolo mu ebo kolesaga te da homude gisiga ola mawai dao, te kolesaga dwasianu menio.

Godigo Nogi Ugwaba Sabo Tęąbi Po Wabo Buku Dabe 119:35

Nago eno sągągo bilibo tų dodoliyu, tama eno nago dwagi yai po wabo wali bilainogo yai, magi basowe, eno te dwagi yai po godolo mu ebo dao.

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

Aisaia 63:14

Te Genuai Bidigo Mobogo digi te aga we bidiba nagame yai homu mayu, te augwali toma nomainu ilali, te bulmakau dabe te nosai hauwa elaluboba pelama, nai tuyu, toma nomainu ebo tiwai yalio,” augwaligo te tiwai po wai. Genuai Bidi, nago te bomai sę dabe yali, tama te kolesagade nago te naga we bidi dabe pabo sunumi dodolali, te tigidali we bidigo nago genuai nogi me bomo konemainu yai dao.

Godigo Nogi Ugwaba Sabo Tęąbi Po Wabo Buku Dabe 25:12

Te Genuai Bidigo po wali mu pabo we bidi, te Godigo augwaliba wiegi yai sunumi ola mayu, tama augwali te sunumidu pomainu tebo dao.

Efesus 5:9

Tama te gide bulali nai bugagia holama, tama geninama walobo gilama tama te tiwai me te ulago agai te tigidali dwagi yai kolesaga ebo me, te doloba pai kolesaga me, te homu mu sai wiegi yai kolesaga, te tigidali hania bugagia ugwaba hanilama pedalobo dao.

Maika 4:2

Tialima, augwa te po waibao, “Asiąo, da te Saion bulu duba holinao, te Genuai Bidigo bulu du dao. Da te Israelgo Godigo beba pelama, te agai dago emainu homu ebo kolesaga ola momainao, tialima te aga digi sa muani sunumidu da bilaibao.” Augwaligo te po waibao. Te magi eyu, augwaligo te tama po waibawe, Jerusalem da, te Genuai Bidigo agai bomai po te we bidi dabe ola mayu, te agai po augwaliba pusa mabo pesage dao.

Godigo Nogi Ugwaba Sabo Tęąbi Po Wabo Buku Dabe 139:24

Nago ena bugagia dagalao, tiyu te tibo homu meba enade elalu idalio. Tama nago ena te bidada pabo ula sabo sunumidu odasa pao.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Polgo Po Pas Rom Dabeba Asęani 15:30

Eno ama dede, eno homugo dagego te dago Genuai Bidi Jisas Krais homu koneama, tama te Tedali Mobo Bidigo da tomode hodolali duga hasi godolo ebo kolesaga me homu kone palao. Tama te side homu kone palama, dage homu hodolama, tama te gedu haluasa po wabo sę dene ena dali emainu eno te homu godolo ebao. Dagego te Godibolo gedu haluasa po weyu ena tau somainogo yao,

Godigo Nogi Ugwaba Sabo Tęąbi Po Wabo Buku Dabe 118:28

Nage eno God da weyu, tama eno nageba puba hwi waibao. Nage eno God, tama te eno nage nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Aisaia 29:10

Genuai Bidigo dagego gedu sęgę ilali. Tama dage te bidi godege mu pilama, isai tiwai bidali. Tama Genuai Bidigo te profet bidi dabego augwaligo suabo nai dabe goli augwaligo susiąmainu yaibao.

Israel Hanigo Namba 9:22

Te mena tama sogo te pǫ name ugwa bede elaluali me tagala, te sigo me ma deli sogo me, ma polua deli me, ma kibu be deli bidibo me, augwali me pabeo. Tiali goli, te pǫ gudasa pabo si da, augwali me gudasa pabo dao, te bulu taga peyu.

Godigo Nogi Ugwaba Sabo Tęąbi Po Wabo Buku Dabe 27:11

Genuai Bidi, te nago enabolo te nago homugo emainu ebo sę ola mao. Nago ena te wiegi yai sunumiba odasa pao. Magi baso meni, eno boi bidi te hauwa elalubao.