Godigo Nogi Ugwaba Sabo Tęąbi Po Wabo Buku Dabe 140:3 - Godigo dwagi yai po buku

³ Te augwaligo po wabo te hasamanigo kele poa pai tiwai mu elama, tama augwaligo pedauwalide te bidi dolabo po te hasamanigo dwai nabi tiwai elalubo dao.

Godigo Nogi Ugwaba Sabo Tęąbi Po Wabo Buku Dabe 140:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 58:4

Te augwaligo wabo po te bidi gąų kelebo hasamanigo kelede elalubo te bidi isibo nabi tiwai dao. Augwa olo pania siyu yali, te hasamanigo ebo tiwai, te aga olo pania selama, te aga po te me odobeo.

2 Korin 11:3

Tiali goli ena wi ebao. Dago koneani, te dwai hasamani tiwai bidibo bidi Satan agai tibo po wabo mu koneani homu elama, tama polobadu agai te we Iv dago auwa tibo po ola menama tama aga tulaluali. Te dagego tiwai me dage, te dageba tamadi asali bagego po odolama, te tiwai kolesaga dageba pedalobuo. Tiyu, dagego homu mu eyu Krais dali naga wadolama tama wali pabo wiegi yai kolesaga tagalidali homu eno ebao. Ena tede wi ebo dao.

Bugagia Bidibo Kolesagade Po Asęai Buku 23:32

Nosali nago te dwai nabi elalubo hasamanigo nage gąų kelibo tiwai te nago te dene ebo odaibao.

Matyu 12:34

Dage te dwai bidi dabe, dage te dwai hasamani dabe tiwai dao. Tama tialigo da, magi ilama dagego wiegi yai po waibawe? Tama bidigo pedauwalidu te tiwai po aga homude elalubo po pusubo dao.

Jeremaia 9:5

Tigidali bidigo te augwa abagi dabe tibo po ola mayu ebao, te mena bidi me deligo te mu po me wabeo. Te augwa tibo po wabo te konea selama, te augwa homu me begelisiąma, te augwa haniani dwai kolesaga ebo me tagalogobeo.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”

Godigo Nogi Ugwaba Sabo Tęąbi Po Wabo Buku Dabe 57:4

Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.

Aisaia 59:13

Dago te dena Genuai Bidi, God, nageba dwai sę yali, te dago nage tudiba munama, nago po sela sąwani. Dago nage dologode bidibo te hagela homu yai dao. Dago te gasa bage elaluama, te haniani hagoma kolesaga yali. Dago te gasa bage dabe tibo po ola mayu, po geagano bilama, haniani sunumi nigibo po wali.

Bugagia Bidibo Kolesagade Po Asęai Buku 12:18

Te bidi mego aga po homu kone palama, bugagia me wasiąbaso da, teda agai te subigila wabo pogo te gasa bidigo haligade te bainat hwągo enebo tiwai ebao. Tiali goli, te wiegi yai homu elalubo bidigo pogo te bidi tau sabo, te wiegi yai marasingo tau sabo tiwai gilama ebo dao.

Tigidali Nai Gagalama Nigali Side 3:13

Tialima, Yawe Godigo webolo te tiwai hanalu wai, “Magi baso nago te sę yaliwe?” Tama wego te po wei ponani, “Hasamanigo ena tibo po ola mobaso, tama eno te nedu du tuali,” te po wai.

Godigo Nogi Ugwaba Sabo Tęąbi Po Wabo Buku Dabe 59:7

Odao. Te augwaligo po te dwai mu weyu, te bainat hwą poa pai mu tiwai yali. Tiali goli, augwaligo te po wali, “Dego dago te po odomainu yagawe?”

Bugagia Bidibo Kolesagade Po Asęai Buku 6:14

Sesemane sogo augwaligo te dwai sę yabo homu kolesaga kone paludu, tama augwaligo te bidi dabego te gasa bidi dabeba dwai haliga yabo sę eyu ebo dao.

Te We Bidi Dabego Jerusalem Hagede Gela Wali 3:62

Tigidali bubugade augwali po minama, posolu weyu, ena dolabo po gegeyu ebao.