Godigo Nogi Ugwaba Sabo Tęąbi Po Wabo Buku Dabe 138:7 - Godigo dwagi yai po buku

⁷ Te sęgę hauwa enaba pedalubo sogo, nago ena tonalubaso, tama ena bugagia bidibao. Te boi bidi dabego enaba wado ebo dao, tiali goli, nago augwali dali hwįyu elama, tama nago bomogo naga nago ena ma sabo dao.

Godigo Nogi Ugwaba Sabo Tęąbi Po Wabo Buku Dabe 138:7 Referans Kwoze

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Godigo Nogi Ugwaba Sabo Tęąbi Po Wabo Buku Dabe 85:6

Nago dago bidibo ula ma dąų walao, te nago we bidi dago te wiegi yai pemene elama, tama nago nogi ugwaba saibao.

Godigo Sęba Tagala Palai Bidigo Po 2:33

Tama Godigo Jisas ma hodolama, aga dolo nogo badude muani, tama te nogi yai bidi bidibo madi. Tama Godigo agabolo aga Dwagi Yai Mobo mawai, te aga aya Godigo polobadu mawaibao olama polo po dąų walai. Tama megi Jisas agai Godigo Dwagi Yai Mobo dabolo olo mu menama, e dagego suali sę me, odali po me pedalali.

Aisaia 5:25

Tama tibaso, Genuai Bidi agai aga we bidi dabe dali sębę eyu, te sębę posolo mu ebao. Tama megi da, agai nogo ugwa sagua selama, dolainu no munalubao. Agai nogogo deli sogo elebaso, te tigidali tǫ dabe bulu du dabe elebaso, memenege elama, bulu du dabe aluasa dulaibao. Tama we bidi hauwa isila paibao. Tama augwaligo tigi dabe te hanu sunumi dabede olo pobele bage dabe munalua pabo ąǫ yaibao. Genuai Bidi agai tama tiaibao. Tiali goli, te tama tibogo Genuai Bidi agai sębę siligobeo. Menio. Agai nogo me ugwaba me dodolalubao.

Aisaia 10:4

Dagego magi sę me ebo usu egobeo. Mu menio. Te boi bidi dabego dage ela wialobo, o dage deli deli pibia sidubadi, augwaligo dage sela pelama, kalabusiba tagaligi pabo sę yaibao. Genuai Bidigo sę dabe dageba pedalumainu yaibao. Tiali goli, tego agai sębę siligobeo. Menio. Agai nogo me balaluaibao.

Jopgo Po Asęani Elalubo Buku 13:15

Eno gasa nai me tonalubeo. Ma, tama Godigo ena elama, isiliyu da, teda aga homugo naga dao. Tama tiali goli, hasia eno agai gedu e tama ola mawaibao, eno dwai sę me ebeo.

Jeremaia 51:25

“Babilon, nago bomo te genuai bulu du tiwai elalubao, nago te tigidali tǫ pedai badu dolobo sę yali. Tialima, mu tama, ena Genuai Bidigo, eno nageba boi bidi eyu, te eno nogo dili bomo selama, te nage tola selama, nage te tǫba sąnama, te isigo nage mu dela silaibao.

Godigo Nogi Ugwaba Sabo Tęąbi Po Wabo Buku Dabe 60:5

Da te nago bomogo ma sao, magi baso meni, te nago da godolo mu ebo dao. Tama tibaso, nago dago gedu haluasa po wabo odolama, tama da te boi bidi dabego nogode ma sao.

Godigo Nogi Ugwaba Sabo Tęąbi Po Wabo Buku Dabe 17:7

God, nago dabolo dwagi yai homu elama, olo mu tau sabo genuai kolesaga ola mayu, tama ena tau sao. Da nage dali pąde bidiyu, tama boi bidi augwaligo da suidali weyu duala sai.

Godigo Nogi Ugwaba Sabo Tęąbi Po Wabo Buku Dabe 77:10

Eno te tama homu eyu, tama eno te po wali, “Te Ugwade Mu Bidibo Godigo te ena megi me tau sabeo. Tama tialima, eno tede te haliga sęgę mu ebao,” wali.

Godigo Nogi Ugwaba Sabo Tęąbi Po Wabo Buku Dabe 44:3

Te wąį nǫų dabego hwįani, tiali goli augwaligo te tǫ te hwįnama me sabeo. Te augwa digi augwa bomogo te hwįbo tau selama, te boi bidi aiyaba me elalubeo. Menio. Nago augwali wei mu yali, tama tiyu, nage augwali dali bidiyu, tama augwaliba ula mani. Tama nago bomogo digi te boi bidi aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 18:35

Genuai Bidi, nago ena tonaluama, tama ena ma dobola sabo dao. Awe, nago dolo nogogo bomogo ena tau sabo dao. Nago ena tau selama, tama ena te we bidi dabego gedude genuai nogi elalubao.

Godigo Nogi Ugwaba Sabo Tęąbi Po Wabo Buku Dabe 56:9

God, eno nage koneanio. Nago ena tau sainu yai. Tama tialima, nosali eno nageba gedu haluasa po waibao, te nago te boi bidi dabe pobebaso, tama augwali wi paibao.

Godigo Nogi Ugwaba Sabo Tęąbi Po Wabo Buku Dabe 20:6

Megi da, eno koneanio, Genuai Bidigo ena tau sabo da, te king aga digi sa muani. Aga te aga wiegi yai tedali bulu dagalude bidibao, tama agai eno gedu haluasa po wabo odobo dao. Te agai bomode digi agai ena tau selama, tama eno hwįbo side te eno augwali aiyaba mu elalubo dao.

Aisaia 9:21

Te Manase hanigo Efraim hani aiyaba elaluainu yaibao. Tama Efraimgo Manase hani aiyaba elaluabo homu yaibao. Tama te hani sigo Juda dabe aiyaba elaluabo homu yaibao. Genuai Bidigo augwa digi augwa hasi ma dolomainu yaibao. Tiali goli, tego agai sębę ebo siligobeo. Menio. Agai nogo me balalubao.

Aisaia 9:17

Tigidali we bidi God tagalama, God dologode bidisąbo bidi polo gagawai dao. Augwaligo tigidali po dabe, kolesaga dabe mu dwai mu dao. Tama tibaso, Genuai Bidigo tigidali mu dolaibao. Agai te gesi bidi me bidimainu me sula tagalogobeo. Tama agai te we sibi me hobede me egobeo. Wilawe we dabe, me te tiana wai dabe, agai hobede me egobeo. Genuai Bidi agai te tama tiaibao. Tiali goli, tego agai sębę siligobeo. Menio. Agai nogo me balalubao.

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Godigo Nogi Ugwaba Sabo Tęąbi Po Wabo Buku Dabe 18:17

Agai ena te boi bidi dabego bomai nogode me, te ena wei isiąbo bidi dabego nogode ma salio. Te bidi dabe augwaligo bomogo te eno bomo aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 18:18

Polobadu, te dwai sęgo ena gegelama, tama augwaligo enaba hwįagasali. Tiali goli tagala, te Godigo ena tonaluali.