Godigo Nogi Ugwaba Sabo Tęąbi Po Wabo Buku Dabe 137:7 - Godigo dwagi yai po buku

⁷ Genuai Bidi, nago te Idom dabego yali kolesaga homugo ma kone palao, te augwa hwįani sogo te Jerusalem sai. Augwa te wali po ma homude koneao. Augwaligo te tama po wali, “Te Jerusalemde tigidali be me te tigidali aluama, tama tigidali dolao,” po wai dao.

Godigo Nogi Ugwaba Sabo Tęąbi Po Wabo Buku Dabe 137:7 Referans Kwoze

Habakuk 3:13

Nago tama tiali, te naga we bidi dabe ma sainogo yali, te nago sa muani king dali sainogo yali. Nago te dwai sę ebo bidi dabego tobolu bidi bomonama elama, tama nago te agai bidi hani mu dolai dao.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

Esekiel 35:2

“Tǫde bidio, nago kantri Idomba tonama, tama nago te po wao, te kantri Idom dolaibao po wao.

Hosea 7:2

Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.

Godigo Nogi Ugwaba Sabo Tęąbi Po Wabo Buku Dabe 74:18

Genuai Bidi, nago homu kone ebo me tagaligio. Te nago boi bidi dabego te posobo po nageba obao. Augwali te esela pabo kolesaga meni yai bidi tiwai eyu, tama augwa homugo nage te olo bage me tiwai da homu ebo dao.

1 Samuel 15:2

te Tigidali Bomo Elalubo Genuai Bidigo po. Genuai Bidigo te Amalek dabeba dwai dene mawaibao po wali, magi baso meni, te dago wąį nǫų dabe te Isip tǫ tagalama asali sogo, te Amalek dabego dwai sę augwaliba yai dao.

Ma Dobola Sali 17:14

Tama nosali Genuai Bidigo Mosesbolo te po wai, “Te po te buku me delide asęnama, te we bidi augwaligo homude konealumainao. Te po e tiwai, ‘Genuai Bidi eno te Amalek dabe mu silaibao silama, tama te we bidi dabego homugo augwali munu me ma konegobeo.’ Tama nago te po Josuabolo me mao,” te po wali.

Nehemia 6:14

Tama tibaso, eno gedu haluasa po wali, “God, nago megi te Tobia de Senbalat sigo enade yali kolesagade homu koneama, te augwali sibolo dwai dene mao. Tama nago te profet we nogi Noadia me homugo koneyu, te gasa profet dabego me te ena wi iliyu, te haniani po wabo dao,” wali.

Esekiel 35:15

Dagego te eno we bidi Israel dabe dolobode dage wiegi yai homu pemene yai dao. Tialima, eno dage Idom dabeba me deli tiwai sę naga elama, dage Idom dabe me dolaibao. Tama te bulu du Seir, me te gasa bulu dabe te kantride elalubo bulu dabe te olo bulu mu pedelaibao. Tama te Israel dabe augwaligo e tama bugagia koneaibao, ena deli naga ena Genuai Bidi dao homu yaibao.’ Te po te Idom bagebolo wao,” Genuai Bidigo enabolo te po wali.