Godigo Nogi Ugwaba Sabo Tęąbi Po Wabo Buku Dabe 135:7 - Godigo dwagi yai po buku

⁷ Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Godigo Nogi Ugwaba Sabo Tęąbi Po Wabo Buku Dabe 135:7 Referans Kwoze

Jeremaia 10:13

Agai po obaso, te dagalu pǫ dabego te be kulu bomonama obao, te pǫ hauwa umabo hogodama, te gasa gasa badu asu, te deliba sisinibao. Agai te dagalude be sele emainu elama, te tulubage tulubao. Agai te wali hodolama, te aga bidibo pesage tagalama, asobo dao.

Sekaraia 10:1

Te gide nai dabe pedalubo sogo dagego te Genuai Bidiba hanaluyu, te agai tulubage tagala palomainu emainao. Genuai Bidigo te pǫ hauwa dabe tagala palama, te tulubage tulumainu ilibaso, tama te nai dabe pedelama holobo dao.

Jeremaia 51:16

Agai po obaso, te dagalu pǫ dabego te be kulu bomonama obao, te pǫ hauwa umabo hogodobao, te gasa badu gasa badu asama, deliba sisinagasobao. Agai te be sele ula ilibaso, te tulubage aiyaba tulubao. Agai te wali hodolobaso, te wali aga bidali badu tagalama, asobo dao.

Dwagi Yai Gesi Po Jongo Asęani 3:8

Te wali asobo da, te aga homu kolesagago te wali gasaba gasaba pabo dao. Nago te wali asobo po naga odobo dao, tialima nago mena badu pedalama, tama ma mena badu ma paliwe, te po wabo dao. Tigidali bidi gesi noma pedalobo augwaligo te tiwai egibi naga ebo dao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 148:8

tama te pǫde elalubo be sele, tama te talua ge tulubage me, te pǫ dabe, te bomai waligo me, te Genuai Bidigo po wali pabo bage, dagego agai nogi ugwaba siąo.

Jona 1:4

Tiali goli, augwali pobadi, te Genuai Bidigo te bomai wali te tamu ąįde pedalumainu ilali. Tama te wali dali, kulubage si te bomo mu elama, tama te sip dolainu yalio.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Godigo Nogi Ugwaba Sabo Tęąbi Po Wabo Buku Dabe 107:25

Genuai Bidigo po weyu, tama agai te genuai boma pai wali te nai hodolama, tama tego te moni dobo dwai biksi hodolubo dao.

Jopgo Po Asęani Elalubo Buku 5:10

Agai te tulubage e tǫba mayu, te dago giba me tulubage mabo dao.

Te Israel me Juda Hani Sigo Tuni Bidigo Po Elalubo Buku Deli 18:1

Te sogo te genuai poi pibo giliga nanobo sesabi elama bidali sogo, te sela wabo kibu bede Genuai Bidigo Elaijabolo te tiwai po wai dao, “Nage pelama, te king Ahap sugi pao, te eno tulubage ma tagala palaibao,” wali.

Godigo Nogi Ugwaba Sabo Tęąbi Po Wabo Buku Dabe 78:26

Tama nosali agai te giliga pedalubo badu te wali hodolali, tama agai bomogo naga, agai te saut badu wali hodolali.