Godigo Nogi Ugwaba Sabo Tęąbi Po Wabo Buku Dabe 135:6 - Godigo dwagi yai po buku

⁶ Genuai Bidigo mena sę te dagalude me, te tǫde me, te tamu węde me, te tamu wę pagede yabo homu ebaso da, teda agai te sę ebo dao.

Godigo Nogi Ugwaba Sabo Tęąbi Po Wabo Buku Dabe 135:6 Referans Kwoze

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Godigo Nogi Ugwaba Sabo Tęąbi Po Wabo Buku Dabe 115:3

Dago God te dagalude bidibao. Te agai magi sę me deli yabo homu ebaso da, teda agai te sę eyu naga ebo dao.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Aisaia 46:10

Te magi deli me pedalisiąbadi, eno te tama sę pedelaibao po weyu, te mena tama siligi pabo po waibao. Polobadu digi eno te sę pedelabo po olama, tama nosali te nai dabe te eno po wali gilama pedelaibao. Te eno mena sę me deli yainogo da, teda te sę eno eyu naga yaibao. Te magi nai me deligo eno te sę yabo sunumi me paligobeo.

Godigo Nogi Ugwaba Sabo Tęąbi Po Wabo Buku Dabe 33:11

Tiali goli, Genuai Bidigo te sę yao po wali da, teda agai po te sesemane bomo elaluaibao. Agai te mena sę me deli yabo homu eyu da, tama te homu yali te sesemane elalua peyu, elalua pabo dao.

Godigo Nogi Ugwaba Sabo Tęąbi Po Wabo Buku Dabe 33:9

Magi baso meni, agai po naga obaso, tama te tǫ pedelali. Agai bomai po waligo, tama tigidali nai elalubao.

Amos 9:6

Genuai Bidigo aga togobili te dagalude nigilama, tama agai dagalu te tǫ ugwadu muani, te bagua sai be pedu nigai tiwai yalio. Agai te tamu ąį i ola aselama, tama agai te tǫ daiba ugwadu gelebo dao. God deligo naga te sę dabe ebo dao, tama agai nogi da te tiwai elalubao, Genuai Bidi dao.

Amos 4:13

Godigo naga te bulu du dabe nigali, te wali me pedalumainu ilibao. Agai aga homu kolesaga te we bidibolo haniliyu, ola mabo dao. Agai bomogo naga te be posobo ula hasegeleyu, tama be hulibo dao. Aga te bulu du dabe daide ugwadu biliyu, te tǫ habu tigidaliba tonalubao. God, Tigidali Bomo Elalubo Genuai Bidi, aga digi te kolesaga ebo dao.

Matyu 14:25

Tama te be posabo magade Jisas te sigi ąį daidu pelama, aga wali pabo bidi dabe augwali bidibo gebaba pedalainogo pai.

Jopgo Po Asęani Elalubo Buku 42:2

“Genuai Bidi, megi da eno koneanio. Nagaduba deli naga tigidali sę ebo usu yaibao. Tama nago magi sę me yainu yali da, teda nage magi nai mego nage dąų me wagobeo.

Daniel 4:32

Tama te augwaligo nage sela sąnama, tama nage te we bidi dabe dali munu ma bidigobeo. Te nage bulu uni hasa dabe dali naga bidaibao. Nago te kibu bulmakau dabego nai tubo tiwai ela bilidubadi, te kibu be a naga olama, me nogo badu si yaibao. Te nage te tiwai bididubadi, ‘Te Ugwadu Mu Bidibo Godigo te tigidali we bidi tonalubo da,’ te tiwai homu konebo sogo usu naibao. ‘Te God aga homugo digi, agai te bidi dabe te king pedalumainu ebo dao,’ nago te homu yaibao.” King bidigo te po wabo odali.