Godigo Nogi Ugwaba Sabo Tęąbi Po Wabo Buku Dabe 133:3 - Godigo dwagi yai po buku

³ Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.

Godigo Nogi Ugwaba Sabo Tęąbi Po Wabo Buku Dabe 133:3 Referans Kwoze

Bomai Po 28:8

“Genuai Bidi dago God agai dagego ebo sę dabe wiegi yai pedalomainogo elama, tama dagego wit nai dabe genuai mu elama, tama dagego nai mubo be pągąmainu ilaibao. Tama agai dagebolo megi mabo te kantride dage wiegi yai ilaibao,” Mosesgo te po wali.

Godigo Nogi Ugwaba Sabo Tęąbi Po Wabo Buku Dabe 42:8

Tiali goli, eno homugo te Genuai Bidigo enabolo te olo tau sabo kolesaga te giligade emainu yali. Tama te hulide eno te agaba usu da weyu, gedu haluasa po wabo tęąbi po waibao, tama te ena bidabo ula mabo Godiba te usu da po wabo gedu haluasa po waibao.

Pris Sę Ebo Bomai Po 25:21

Tagalao, dage moni homu si me igio. Ena Genuai Bidi, te 6 wabo kibu bede eno te tǫ wiegi yai bugagia mu ilaibao, te dagego te nai tudubadi kibu be selaba usu naibao.

Bomai Po 4:48

Te Israel dabego polo sali tǫ te dąį te Aroerde gagalali, tama Arnon węba sabolama, tama pelama, te bulu du Sirion, te nogi me Hermon, teba saboligi pali.

1 Jon 5:11

Tama Godigo aga Ogwade wali po e dao: God agai da sesemane sogo bidada peyu, bidada pabo bidibo ula mawai dao, tama te bidabo ula page aga Ogwa Jisasde elalubo dao.

Polgo Po Pas Rom Dabeba Asęani 5:21

Tama tiyu te olo tau sabo wiegi yai kolesagago te dwai sę aiyaba mu elalubo dao. Magi baso meni, te dwai sęgo te isibo kolesaga nigilama, tama te isibo kolesagago da tigidali aiyaba elaluyu bidai. Tiali goli te tiwai me megi Godigo te olo tau mabo wiegi yai kolesaga te ugwadu daide bidibao. Te kolesagago da megi tonalubo dao. Godigo te olo tau mabo wiegi yai kolesaga elama tama da doloba pai we bidi nogi obaso, dago te sesemane sogo bidada peyu, bidada pabo ula elalubao. Dago te ula dago Genuai Bidi Jisas Kraisgo sęde sai dao.

Maika 5:7

Tama te Israel hani meba te boi bidi dabego me dolisąwai bage, augwali te gasa hani hauwa tau sabo bidi pedelaibao, te Genuai Bidigo te hulide tulubage segeni wę te nosaiba tulumainu tagala palobo tiwai eyu, te olo tulubagego te ni dabe wiegi yai pedalumainu ebo tiwai yaibao. Tama augwaligo te sę te Genuai Bidigo bomode naga yaibao, te augwaduba bomogo digi te tegobeo.

Godigo Nogi Ugwaba Sabo Tęąbi Po Wabo Buku Dabe 16:11

Nago digi ena te bidibo ula te tų ola mawai. Nage ena dali pąde bidibaso, nago te eno dwagi yai homu mu ebo dao. Tama nago ena sesemane bidada pabo sogo tau sabo, eno dwagi yai homu mu ebo dao.

Polgo Po Pas Rom Dabeba Asęani 6:23

Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.

Dwagi Yai Gesi Po Jongo Asęani 6:68

Saimon Pitago Jisasbolo po wei ponoyu, te po wai, “Genuai Bidi, dago nage tagalama, da mena bidi pageba pogowe? Nago po da, te bidada peyu bidada pabo bomo elalubuo.

Dwagi Yai Gesi Po Jongo Asęani 5:29

Tama augwaligo te po odobaso, tama augwali gų page tagalama, buluba dią asaibao. Me badu we bidi augwaligo dwagi yai kolesaga yali da, augwali hodaluama, bidabo bomo selama, bidaibao. Me badu we bidi augwaligo dwai kolesaga yali da, augwali hodaluama, tama po tųde sęgę saibao.

Josua 13:11

Augwaligo te Gileat dabego tǫ me sali, tama te Gesur, me Maka dabego tǫ me, tama te Hermon bulu du pedai tigidali me, tama te Basandu te Saleka teba usu nigi pelama,

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.

1 Jon 2:25

Tama aga digi agai dabolo aga dąų wali po tama wai, agai da sesemane sogo bidabo ula mawaibao, te po wai.

Bugagia Bidibo Kolesagade Po Asęai Buku 19:12

Te kingo wado weyu, te haliga sębę eyu ebo, aga te laiongo bomonama te gaa wabo tiwai ebao. Tiali goli, agai te bugai haliga elama, tama te we bidi dabe tau sabo homu eyu da, te segeni tulubage tuluyu, te nai bugagia holomainu ebo tiwai te ebao.

Godigo Nogi Ugwaba Sabo Tęąbi Po Wabo Buku Dabe 21:4

Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.

Dwagi Yai Gesi Po Jongo Asęani 5:24

“Te eno mu po dagebolo obao, niwai bidigo eno po odama, tama te po wali pelama, tama ena tagala palali bidibolo te bidi agai bomo yai homu agabolo muyu da, te aga bidada peyu, bidada pabo bomo selama, bidaibao. Te bidi aga po tų aga dali me egobeo. Te agai isibo tagalama, tama megi aga bidabo bomode bidibao.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 21:5

Nago aga tau selama, tama aga genuai nogi mu elalubao. Nago nogi me bomo digi nago aga mani.