Godigo Nogi Ugwaba Sabo Tęąbi Po Wabo Buku Dabe 133:2 - Godigo dwagi yai po buku

² Te kolesaga te oliv ni dugo te wiegi yai wel tiwai ebao, augwaligo te Arongo toboluba gelama, tama te naboge tobolu nisiba dulama, tama aga bobage gudali ugwa sabiba usu nugulali.

Godigo Nogi Ugwaba Sabo Tęąbi Po Wabo Buku Dabe 133:2 Referans Kwoze

Pris Sę Ebo Bomai Po 8:12

Tama agai wel ąį dwasianu te Aron toboluba gelali, te tiali kolesagade te Aron te Genuai Bidigo pris mu tiwai da olama dąį ilai dao.

Ma Dobola Sali 29:7

Tama wel selama, te pris nigilali bidi dabe sa muabo wel, tama aga tobolude te wel gelama, aga te sęde sa muao.

Bugagia Bidibo Kolesagade Po Asęai Buku 27:9

Sanda me te tobage wel dabe te wiegi yai denami elalubo, augwaligo dabolo te wiegi yai pemene ilibao. Tama te abagi dabego dabolo te wiegi yai pemene ilaibao, magi baso meni, augwaligo te da tau sabo homu mu elama, tama augwaligo wiegi yai mobo mabo po dabolo mabo dao.

Ma Dobola Sali 39:24

Tama augwaligo gasa haniani hobi dabe selama, tama nai meba te ni pomigranet du tiwai hobolai. Tama augwaligo dwasianu belo te wiegi yai golgo nigai. Tama augwaligo te ni pomigranet du me, te belo me, te tobolu bidi prisgo gudabo ugwa aiyadu sabide walama hobolai. Augwaligo te deli deli gol belo te ni pomigranet du dabe tomo tomode te walalumainogo hobolama walai. Augwaligo te tiwai sę te Genuai Bidigo Mosesbolo po wali gilama tama tiai dao.

Dwagi Yai Gesi Po Jongo Asęani 12:3

Tilama, te we Maria aga dwagi yai denami ebo wel selasa asai, dwasianu genagide. Te wel abelabo moni te hauwa mu, te dila pai nai mu dao. Agai te wel Jisas sągą sawalide pilai. Tama Jisas sągą Maria aga moni bobobage tobolu nisigo holai. Tama te bede bidali we bidi tigidali augwaligo te wel denami odai.

Solomon 1:3

Nago tigi denami wiegi yai ebao. Eno nago nogi odolama, te ena wiegi yai pemene ebao, te eno denami ebo sandade wiegi yai pemene ebo tiwai yali. Te we dabe sibi augwaligo nage godolo mu ebo dao.

Godigo Nogi Ugwaba Sabo Tęąbi Po Wabo Buku Dabe 141:5

Wiegi yai bidigo te ena homu dene elama, tama ena sesanobo sę eyu, te enaba wado ilaibao. Awe, usu dao, po menio, te kolesaga ebogo agai ena tau sabo dao. Tiali goli, eno te dwai sę ebo bidi dabe dali abagi me wagobeo. Magi baso meni, te sesemane sogo eno te augwa ebo dwai kolesaga tagalomainu, te gedu haluasa po wabo dao.

Ma Dobola Sali 28:33

Tama sisi hobi, me haniani mama yai hobi te augwaligo sipsip nisigo nigai, tama nai mebago te ni pomigranet wai tiwai nigao. Te ni wai du dabe te prisgo ugwa sese aiyadu hobolama, tama golgo nigai belo deli deli te ni pomigranet du dabe tomo tomode hobolama walalumainogo yao.

Ma Dobola Sali 30:35

Tama te nai dabe sesa pelama, tama te denami yabo nai pauda bugagia taluama nigao, te wiegi yai denami ilibo nai nigibo bidigo sę ebo tiwai yao. Tama tamu dwasianu te pauda denami wiegi yai tedali gasagi yai ilimainogo, te tamu muao.