Godigo Nogi Ugwaba Sabo Tęąbi Po Wabo Buku Dabe 133:1 - Godigo dwagi yai po buku

¹ Te Godigo we bidi dabe deliba bugagia dugulalu, tama te deli haliga elama, te ama dabe tiwai mu elama bidiyu ebaso da, te wiegi yai mu dao, tama augwa bugai haliga elama bidimainu yao.

Godigo Nogi Ugwaba Sabo Tęąbi Po Wabo Buku Dabe 133:1 Referans Kwoze

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

1 Korin 1:10

Ama dedeo, te dago Genuai Bidi Jisas Krais agai aga nogigo bomo enabolo mobaso, eno homu dene ebadi te nogi bomogo eno e po dagebolo megi obao, dage tigidaligo deli homu naga eyu tama po deli tama wao. Dage si sela pebeda pigimio. Te mu menio. Dage bidibo deli hani tama bidiyu, deli homu kolesaga naga dali, te deli sę yabo homu dali te sę yao.

Dwagi Yai Gesi Po Jongo Asęani 13:35

Tama dagego duga hasi dali dwagi yai homu eyu, augwali godolo mu eyu da, teda tigidali we bidigo sulama, koneaibao, dage da ena wali pabo bidi da waibao,” Jisasgo te po aga bidi dabe dali wai.

Hibru 13:1

Dage Godigo po wali pabo we bidi, sesemane sogo dagego duga hasi duga ama dede dali dwagi yai homu eyu godolo iduao.

Dwagi Yai Gesi Po Jongo Asęani 17:21

augwali tigidali deli homu naga elama bidimainogo ebao. Aya, nage ena dali wadoloyu, tama ena nage dali wadoloyu bidibo tiwai, eno homugo augwali da si dali homu deli elama, wadoloyu bidimaio. Tama te tiwai elama, tama tǫde we bidi augwaligo te nago ena e tǫba tagala palali po odama, tama augwaligo te mu po dao olama, koneagameo. Tama te sę pedalomainogo, eno e po nage dali megi obao.

Jeremaia 32:39

Te eno augwaliba deli homu kolesaga naga mobaso, te augwaligo deli sunumi naga wali paibao. Te augwali ena dologode sesemane sogo bidibaso, te eno wiegi yai sę augwaliba eyu, tama augwa hani wai dabe me bugagia bidaibao.

Tigidali Nai Gagalama Nigali Side 13:8

Tialima, Abramgo Lotbolo te po wai, “Dadi si te deli kaneme si dao. Tiyu, da si wado po wabuo, tama da si go sę ebo bidi dabe augwa hasi me wado po wabuo,” Abramgo te po wai.

Tigidali Nai Gagalama Nigali Side 45:24

Josepgo aga ama dede augwali tagala paliyu, augwalibolo te tiwai po wali, “Dage peyu, tama dagego duga hasi konila po olamuo,” wali.

Aisaia 11:6

Te bulu yowi de sipsip kibu gǫų si aga bugagia deliba bilaibao. Tama te lepat moni hasa dabe te meme kibu gǫų dali piyu yaibao. Te kau kibu gǫų dabe, me te laion yowi gǫų dabe dali, deli hodobo nai tudu bilaibao. Tama dwasianu wai dabego augwali tonaluaibao.

Godigo Nogi Ugwaba Sabo Tęąbi Po Wabo Buku Dabe 131:1

Genuai Bidi, eno te hagoma yali kolesaga tagalama, tama eno te ena digi te nogi ugwaba me sabeo. Eno te genuai nai dabede homu kone me isiąma, tama te eno konesiąwai nai dabede me eno homu kone me ebo menio.

Aisaia 11:13

Te bulu Israelgo te bulu Juda dali dwai homu me egobeo. Tama Juda dabego Israel dabe dali boi bidi homu me egobeo. Menio.

Godigo Nogi Ugwaba Sabo Tęąbi Po Wabo Buku Dabe 122:1

Augwaligo enabolo walali, “Iya, tegoba, da te Genuai Bidigo beba pinao.” Augwaligo te tiwai po obaso, te ena bugai haliga mu yalio.

Aisaia 11:9

Te Genuai Bidigo bulu du ugwadu te tigidali nai dabe augwa hasi bugagia deliba bidaibao. Te mego me dali dwai sę me egobeo. Magi baso meni. Te tigidali tǫde nai dabe sesego Genuai Bidi mu konea pela silaibao. Te kolesaga te tigidali tǫ mu usu nigi paibao, te tamu ąįgo aga dąįba usu nani tiwai yaibao.

Godigo Nogi Ugwaba Sabo Tęąbi Po Wabo Buku Dabe 124:1

“Te Genuai Bidigo da me tau sigi menigi sogo da, teda magi igi dawe?” Te Israel dabego te hanalubo wei ponao.

Dwagi Yai Gesi Po Makgo Asęani 3:25

Tama te deli bede bidaluali bidi hani te augwa hasi bugulama, tama augwali hwįbaso da, teda te bede bidali bage te bomo elama me bidigobeo, te pebeda paibao.