Godigo Nogi Ugwaba Sabo Tęąbi Po Wabo Buku Dabe 132:6 - Godigo dwagi yai po buku

⁶ Te Betlehemde dago te Genuai Bidigo Dąų Wali Bomai Po Munalubo Halobage po odali. Tama dago te Kiriat Jearim tǫde elalubo gegelama suai.

Godigo Nogi Ugwaba Sabo Tęąbi Po Wabo Buku Dabe 132:6 Referans Kwoze

1 Samuel 17:12

Te Devitgo hani sibi te tiwai dao. Devit te Jesigo ogwa dao. Tama Jesi te Efrata bulu bidi, tama te Betlehem bulu te Juda hanigo tǫde bidai. Jesigo ogwa te a naga olama, meba sela elalubo sogo te Sol king pedelali, Jesi te monu dabe yai mu bidai.

1 Samuel 7:1

Tialima, te Kiriat Jearim bulude bidali bidi dabe aselama, te Genuai Bidigo halobage selasa peyu, te augwa hanuba ma sela solama, tama augwaligo te Abinadapgo be te dwasianu bulu dude elalubo beba muani. Tama augwaligo te aga ogwa te Eleasar te tonalubo bidi pedalumainu nigilali, te Dąų Wali Bomai Po Munalubo Halobage te bugagia tonalumainu yai.

Maika 5:2

Genuai Bidigo te tiwai po wali, “Betlehem Efrata, te tigidali Juda taun tomode nage te dwasianu taun mu elalubao. Tiali goli, nagede te genuai tuni bidi me deli pedelama, tama agai te Israel hani tonaluabo bidi dao. Te polobadu mu aga hasia wąį monu nǫų me deli pedelali, tama aga hani bidi me bidibao,” te po wai.

Rutgo Po Elalubo Buku 1:2

Te bidi aga nogi Elimelek, tama aga we nogi Naomi. Aga ogwa si nogi e dao, Malon me Kilion. Augwali te Efrata hani, tama te hanigo bulu te Betlehem, te genuai tǫ hani Juda. Tama augwali pelama, te Moap tǫ pedaiba bidigi palio.

Tigidali Nai Gagalama Nigali Side 35:19

Resel isibaso, tama augwaligo aga te Efrataba pabo sunumide pubulali, te Betlehem hanu pąde dao.

2 Samuel 6:3

Tialima, te Devit aga ami dabe dali te Bala taunba sabolama, tama augwali te Abinadapgo dwasianu bulu dude elalubo beba pai. Tama augwa te halobage selama, tama te gesi karis me deliba munama, te augwali dali sela painu yali. Usa me Ahio, te Abinadapgo ogwa sigo, te augwali pabo sogo te karis nogogo dodolubo sę ela piduai.