Godigo Nogi Ugwaba Sabo Tęąbi Po Wabo Buku Dabe 132:16 - Godigo dwagi yai po buku

¹⁶ Eno te Saion pris dabeba sę menama, eno te tǫde we bidi ma sabo po te pusumainu ebao. Tama te Saion we bidi dabe augwa tęąbi weyu, tama pemene elama, tama i omainu yaibao.

Godigo Nogi Ugwaba Sabo Tęąbi Po Wabo Buku Dabe 132:16 Referans Kwoze

Tuni Bidi Dabego Po Elalubo Buku Si 6:41

God, Genuai Bidi, nage naga Dąų Wali Bomai Po Munalubo Halobage dali aselama, tama naga toma tubo digi duyagasao. Te halobage te genuai bomai nago dąį me deli dao. God, Genuai Bidi, nago naga pris bidi dabe hobede elama, tigidali sogo nago augwali ma oda sao. Tama nago te kolesaga augwaligo au dodobage tiwai elalumainao. Tama naga we bidigo nago wiegi yai kolesagade wiegi yai homu pemene emainao.

Godigo Nogi Ugwaba Sabo Tęąbi Po Wabo Buku Dabe 132:9

Te nago naga pris dabe tau selama, tama augwaligo te doloba pai kolesaga naga tigidali sogo emainao. Tama naga we bidi dabe augwa wiegi yai pemene elama, i omainao.

Dwagi Yai Gesi Po Jongo Asęani 16:24

“Polobadu dagego eno nogide magi nai sainogo hanalu obeo. Tama dagego homu dwagi yai mu emainogo, tama megi hanalu wao, tama te nai God agai dagebolo mawaibao,” Jisas aga sę bage dali te po wai.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Galesia 3:27

Tama dagego duga homu tigidali Kraisba munama tama baptais selama, tama dage aga dali wadolama tama bidibao. Tama bidiyu, bidi aga gudubo ugwa gudubo tiwai eyu, dagego Kraisgo digi homu kolesaga duga homude dąų walao, te dagego te homu kolesaga wali pomainogo tama yao.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Hosea 11:12

Genuai Bidigo po ma weyu, te po wai, “Te Israel we bidi augwaligo enaba tibo po hauwa sogo mu wai. Te Juda dabego eno po sela sąbo sę mu idualio. Tiali goli, ena God, ena augwali tiwai menio. Ena doloba pai, te eno homu hasegelama, te eno tibo po me wagobeo, te we bidide eno homugo mu kęą pai God dao,” te po wai.

Godigo Nogi Ugwaba Sabo Tęąbi Po Wabo Buku Dabe 140:4

Genuai Bidi, nago ena bugagia tonaluao. Tama tiyu, te dwai sę ebo bidi dabego bomogo ena aiyaba elaluainu ebaso, usu me egobeo. Nago ena bobogela selama, tama te hwįabo bidi dabego ena dolabo po miani, te augwaligo te tama me tegobeo.