Godigo Nogi Ugwaba Sabo Tęąbi Po Wabo Buku Dabe 130:8 - Godigo dwagi yai po buku

⁸ Agai aga we bidi dabe te ma saibao, te da Israel, tama dago yali dwai sęde sali sęgę tigidali sela sąwaibao.

Godigo Nogi Ugwaba Sabo Tęąbi Po Wabo Buku Dabe 130:8 Referans Kwoze

Dwagi Yai Gesi Po Lukgo Asęani 1:68

“Dena Genuai Bidi Israel dabego God nogi kegenaninao. Agai aga we bidi da tau sagasalio.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Polgo Po Pas Rom Dabeba Asęani 6:14

Dagego koneani, te dwai sę ebo kolesagago te dage tonaluamuo. Magi baso meni. Te Godigo dage ma dobola somainogo eyu dagego te bomai po bugagia wali pabo homu ebo meni. Te meni. Tede dagego koneani, me sogo dagego geda muyu dwai sę eyu ebo dao. Te usu egobeo. Tama dagego homugo te Godigo olo tau sabo wiegi yai kolesaga tego naga dage ma dobola sobaso dage te wiegi yai kolesaga dologode bidabo homu yao.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Jeremaia 33:8

Augwaligo enade hagoma elama, dwai sę yali. Tialima, eno augwaligo te dwai sę sela sąnama, te augwali eno gedude wiegi yai ma pedelaibao.