Godigo Nogi Ugwaba Sabo Tęąbi Po Wabo Buku Dabe 13:2 - Godigo dwagi yai po buku

² Te nisu naga sogo ena te dene tolomainu ebawe? Te nisu naga sogo ulade me hulide te eno haliga sęgę elaluaibawe? Nisu naga sogo ena te boi bidi dabe dologode bididuaibawe?

Godigo Nogi Ugwaba Sabo Tęąbi Po Wabo Buku Dabe 13:2 Referans Kwoze

Jeremaia 8:18

Eno hobede elama, tama haliga sęgę dwai mu elama, tama eno homu kolesaga tigidali dolalio.

Jeremaia 15:18

Magi baso ena dene ebo silibewe? Eno keni genuai mu elalubao. Magi baso aga te pedelasiąbewe? Mu tamao, nago ena tau me sabeo. Ena ąį tueinu ąįba pabo bidi tiwai ebao, tiali goli, aga te wę sula sai subaso, te aga ąį tusiąwai tiwai ebo dao.”

Te We Bidi Dabego Jerusalem Hagede Gela Wali 1:5

Te boi bidi dabego ugwa ela holobaso, augwaligo Jerusalem tonalubo dao. Tama augwaligo magi naide moni homu me ebo meni. Magi baso meni. Te Jerusalem dabego augwalibolo sęgę maiabo usu isąbaso. Jerusalemgo Genuai Bidi tudi ola mayu, tama dwai sę hauwa mu yali. Tama tibaso, Genuai Bidigo agai te genuai dene tolomainu tagalali. Tama te boi bidi dabego te Jerusalemgo wai bǫų dabe te hwįbode selama, kalabus elama, tigidali digibulu buluba dabe kalabus elama, odasa pali.

Kolesaga Koneai Bidigo Pusali Po Elalubo Buku 5:17

Da e tǫde dugulalubo page te wiegi yai me elalubeo, te sesemane sogo dago haliga sęgę eyu, wado po weyu, gasi siyu, idubo dao.

Bugagia Bidibo Kolesagade Po Asęai Buku 15:13

Te bidigo haliga te wiegi yai pemene ebaso da, teda agai gesabidi me te wiegi yai eyu, pisigina paibao. Tiali goli, te bidigo haliga te sęgę elalu da, teda aga dwai bidibao.

Jopgo Po Asęani Elalubo Buku 10:15

Ma, eno dwai sę igi sogo da, teda nago eno tigide sę geninama mu igi dao. Tama tiali goli, ma eno dwagi yai kolesaga ebaso da, teda eno dwagi yai homu elama, ena homu geda pabo homu egobeo. Mu meni. Te ena sęgęgo ena ma dolobo te ena moni hale mu ebao.

Filipai 2:27

Awe, mu tama, polobadu aga gasi mu yai, tama pąde mu aga isabo tiwai yai. Tiali goli Godigo aga dali homu dene eyu, tama aga tau selama aga isibeo. Tama tebode Godigo aga deli naga homu dene eyu tau sabeo. Agai ena me homu dene elama tau salio. Agai koneai, ena e kalabuside bidibaso, ena sęgę dali dene me te elalubao. Tama eno abagi isibaso, eno genuai sęgę elaluaibao. Tama idali weyu Godigo te bidi tau sabogo ena me tama tau sai dao.

Polgo Po Pas Rom Dabeba Asęani 9:2

E tiwai dao, eno homu sęgę mu elama tama sesemane sogo ena dwai dene ebo dao. Magi baso meni, te eno hani Juda bage augwali meba hauwago Krais tudiba muanio.

Dwagi Yai Gesi Po Jongo Asęani 16:6

Tialima, dage dali eno te tamadi wali po obaso, tama dagego homu sęgę mu te ebao.

Matyu 26:38

Agai augwalibolo te po wali, “Eno homu sęgę mu ebaso, pąde ena isainogo ebao. Dage ede bidiyu, tama ena dali tonaluyu, godege pigimio.”

Te We Bidi Dabego Jerusalem Hagede Gela Wali 1:9

Polobadu aga dwai kolesaga te pepeli dilide mu elaluai dao. Tiali goli, agai aga dolabo homu kone me ebeo. Tama tialigo aga mu dolama, mu dolali, tama bidi mego aga hobede eyu, tau sabo me egobeo. Tama Jerusalem agai e tama tiwai po i obao, “Genuai Bidi, eno e sęgę suao. Te boi bidi dabego ena aiyaba mu elalualio. Tama augwaligo ena dolalide wiegi yai homu pemene elama, gana pali dao,” wabo.

Godigo Nogi Ugwaba Sabo Tęąbi Po Wabo Buku Dabe 116:3

Isibogo te bonogo ena kębo tiwai yali. Eno te isibo bidi dabego pesageba homu kone ebode, tama tego ena wi mu ilama, tama ena gasa homu tedali mu yai dao.

Godigo Nogi Ugwaba Sabo Tęąbi Po Wabo Buku Dabe 74:18

Genuai Bidi, nago homu kone ebo me tagaligio. Te nago boi bidi dabego te posobo po nageba obao. Augwali te esela pabo kolesaga meni yai bidi tiwai eyu, tama augwa homugo nage te olo bage me tiwai da homu ebo dao.

Godigo Nogi Ugwaba Sabo Tęąbi Po Wabo Buku Dabe 74:10

God, nisu sogo naga te boi bidi dabego dabolo te posobo po udumainu yaibawe? Te augwaligo naga nogide te sesemane sogo po dwai omainu yaibawe?

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.

Godigo Nogi Ugwaba Sabo Tęąbi Po Wabo Buku Dabe 31:18

Te bidi dabe augwaligo te hagoma eyu, te posobo po weyu ebo da, tama doloba pai bidi dabeba po dwai weyu ebo dao. Augwaligo tibo po naga wabo da. Nago augwali dolama, tama augwa pedauwali te mu pania somainu yao.

Godigo Nogi Ugwaba Sabo Tęąbi Po Wabo Buku Dabe 17:9

Tama dwai bidi dabe augwaligo ena dologobeo. Augwaligo ena dali boi bidi mu elama, tama augwaligo ena bobegelebao.

Godigo Nogi Ugwaba Sabo Tęąbi Po Wabo Buku Dabe 10:18

Te nago te tiana wai dabe me, te haliga sęgę elalubo bidi dabego me, te augwaligo gela wabo nago odobo dao. Te nago augwali tau selama, te augwa po tųde te gasa bidi aiyaba elaluama, buluba dią soaibao. Tama tiyu, te dwai sę ebo bidi dabego te augwali wi ma ilibaso, te usu me egobeo. Te dwai sę ebo bage augwali te tǫde osogo bidabo bage naga dao.

Godigo Nogi Ugwaba Sabo Tęąbi Po Wabo Buku Dabe 9:6

Awe, te boi bidi dabe sesemane doludubadi usu nanio. God, nago te augwaligo hanu dabe dolama, tama te mena bidi me deligo te augwaliba homu kone ma egobeo. Mu menio.

Godigo Nogi Ugwaba Sabo Tęąbi Po Wabo Buku Dabe 8:2

Nago te wai dabe me te ogwa wegi sibi munama, tama augwaligo nago nogi dali, bomo dali si te ugwaba sabo dao. Tebogo nago te nage dali boi homu ebo bage augwali dwai hale iliyu, tama augwaligo sagia sabo dao. Te nago po sela sąbo bage me augwaligo po wabo tagaluyu, olo bidibo dao.

Godigo Nogi Ugwaba Sabo Tęąbi Po Wabo Buku Dabe 7:2

Tiyu, te ena augwaligo dolidalio, te laiongo bidigo tigiwali togobo tiwai gilama idalio. Tiyu, te augwaligo ena te gasaba me kekasa peyu, tama ena ma sainu yabo bidi me deli meni yaibao.

Esta 7:6

Estago po wei ponani, “Te dwai bidi Haman te dao. Agai dade boi bidi elama, tama agai da dolabo sę sisi ilai dao,” wali. Tama Haman wi elama, tama dwai didibili mu yai.

Nehemia 2:2

Tama tibaso, kingo enaba hanalu wali, “Magi baso nage wiegi yai pemene isąbawe? Nage gasi da meni yai, tiali goli nage magi nai me delide haliga sęgę elalubao,” wali. Eno te po odoyu, te ena noma salio,

1 Samuel 24:19

Eno koneani, te bidi me deligo aga boi bidi dolabo sunumi elalubaso da, teda agai te aga olo me tagala palogobeo. Tiali goli, nago te wiegi yai kolesaga megi enaba yaligo, tama tiyu eno homugo te Genuai Bidigo nage wiegi yai bugagia mu ilimainu yaibao.

1 Samuel 18:29

Tama teyu, Sol te Devitde wi umabo mu ebaso, tama aga godolo meni yani. Tama Solgo sesemane sogo aga dali boi bidi homu elaluali.

Dwagi Yai Gesi Po Lukgo Asęani 22:53

“Tigidali sogo dage dali ena te Moni Lotu Be tempel tomode bidai dao. Te sogo dagego ena me sai menio. Tialima, megi e sogo dagego Godigo bodolu muani side dao, dagego duga homu wali piąo. Megi Satango bomogo sę ebo side dao,” Jisasgo te po te boi bidi dabe dali wai.

Godigo Nogi Ugwaba Sabo Tęąbi Po Wabo Buku Dabe 38:17

Magi baso meni, te pąde ena tulaluainu eyu, tama ena sesemane sogo dene ebo dao.

Godigo Nogi Ugwaba Sabo Tęąbi Po Wabo Buku Dabe 6:4

Genuai Bidi, nage begasa aselama, ena usu ma ilagasao. Awe, nage te olo mu tau sabo wiegi yai kolesaga ebo bidi da, tama tibaso, te ena isidali weyu, nago ena tau sao.

Te We Bidi Dabego Jerusalem Hagede Gela Wali 5:20

Tialima, nago da magi baso tudi ola menama, tama da magi baso sesemane sogo gegeda pobawe?