Godigo Nogi Ugwaba Sabo Tęąbi Po Wabo Buku Dabe 129:5 - Godigo dwagi yai po buku

⁵ Eno homugo dago te Saionba boi bidi ebo bidi aiyaba elalumainu homu yai, tama augwali pobeasa te augwa buluba ma pao.

Godigo Nogi Ugwaba Sabo Tęąbi Po Wabo Buku Dabe 129:5 Referans Kwoze

Aisaia 37:35

Eno tama tiaibao, magi baso meni, eno ena genuai nogi homu kone palama, te polobadu eno dąų wabo po ena sę bidi Devit dali wali po koneyu, tama tiaibao,’ wali.”

Godigo Nogi Ugwaba Sabo Tęąbi Po Wabo Buku Dabe 71:13

Te enaba po kisilama wabo bidi dabe, nago augwali elaluama, tama augwali mu silao. Augwaligo ena dolainu yali, tialima, nago augwaligo homu kolesaga puna palama, tama augwali hale dwai mu emainu yao.

Sekaraia 12:3

Te tama tiabo sogo pedalubaso da, teda eno te Jerusalem te sęgę yai masigi me deli mu tiwai ilaibao. Te tigidali bulu tǫ kantri bidi dabe te Jerusalem dali boi hwįainu teba sisinagasaibao, tiali goli augwa digi dolaibao, bidigo te moni sęgąį masigi ugaba sagulubo tiwai gilama mu yaibao.

Maika 4:11

Megi da, te boi bidi hauwago te dage dali hwįainu sisinanio. Augwaligo posobo po te tiwai obao, “Tegobao, dago te Jerusalem mu dolama, tama suao, aga te tiwai naga me elalua pomainu yaibao,” obao.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Esta 6:13

Tama agai aga webolo, me te aga abagi dede dabe dalibolo te agaba pedelali sę po tigidali wali. Tialima, we Seres dali, te abagi dede augwali daligo te kolesaga hauwa koneai elaluai, augwaligo te tiwai po agabolo wali, “Megi da, nago bomo me nogi elaluali te hagayu, tama Mordekaigo nage aiyaba elalualio. Aga te Juda bidi da, tama nago aga sunumi paniabo usu meni yaibao. Te nage doloyu naga yaibao.” Te po wai dao.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Godigo Nogi Ugwaba Sabo Tęąbi Po Wabo Buku Dabe 122:6

Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

Esta 9:5

Tama te Juda dabego te augwa boi bidi dabebolo umabo sę eyu, te augwali mu dolali. Augwaligo te bobobage hwą ge bainat tulama, tama te boi bidi dabe dali hwįnama, tama bidi hauwa ela muai dao.

Nehemia 6:16

Tialima, te dago boi bidi dabe te da pąde bidibo bulu tǫ pedai bidi dabego, dago te obo nigila silali po odali, tama augwaligo koneani, te Godigo digi da tau sobaso, dago te sę yali da homu yai. Tama augwa koneai, te augwaligo dwai kolesaga da dali yainu yai, te geda munama, tama te augwaligo nogi aiyaba tulaluai dao. Tama tibaso, augwali wi yai.

Godigo Nogi Ugwaba Sabo Tęąbi Po Wabo Buku Dabe 40:15

Te bidi dabego enaba posobo po weyu, kęnę wali. Nago augwali te hale mu elalumainu yao, te augwa yali kolesagade dwai midigi mu somainu yao.

Aisaia 29:8

Tama te tigidali bulu ami bidi dabe, te bulu du Saionba hwįagasali bidi dabe, augwaligo magi nai me sogobeo. Mu menio. Te bidi pila muyu, nade nasi ebaso, nai tubo tiwai yaibao. Tama ma hodalobode da, nasi me elaluaibao. Te nai tabi egobeo. Te tiwai yaibao. Tama me bidi agai wę nogonego mu isai, tama nade te wę ma tuali, tiali goli, aga ma hodalobode te wę nogone me elaluaibao. Te tibo tiwai yaibao.