Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 128:3 - Godigo dwagi yai po buku

3 Te nago we da, te wain bonogo te nai hauwa walubo tiwai yaibao. Tama nago wai dabego te nago nai tuabo tebol sai bagua selama, te gesi ni oliv dugo bagua sabo tiwai yaibao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 128:3
11 Referans Kwoze  

“Dage si, duga ida aga te wain ni tiwai augwaligo te ąį sesege pąde bulali. Tama te ni genuai pedelama, tama nologo hauwa elama, te nai du hauwa walali.


Tiali goli, eno te tiwai me ebeo. Ena te Godigo be pąde elalubo ni oliv tiwai dao. Eno konealubo homu Godiba munama, te Godigo olo tau sabo wiegi yai kolesaga te sesemane bidada peyu, bidada pabo sogo te enaba te kolesaga emainu ebo dao.


Magi baso meni. Dage gasa hani we bidi da, te buside holali ni oliv nologo naga tiwai dao, te ni oliv mugo nologo meni. Tiali goli Godigo dage te nide togolama, tama agai dage te gide elalubo ni oliv muba wadolali. Tama te Juda bage augwali da, te gide elalubo ni oliv dao. Tama tibaso, Godigo te augwali polobadu te ni nologo tiwai togwa sąnama, tama augwali te augwa oliv niba digi te augwa ma wadoloyu ebo usu mu dao, te pedalisiąbo sę meni.


“Josep te bidigo tonalusiąbo donki me deli tiwai. Aga te wę ulu sesegede bidibo donki me deli tiwai. Aga te bulu du pedai badu bidibo, te ogwa bidi hos me deli tiwai dao.


Polobadu eno te po wali, dage Israel dabe te wiegi yai du walobo ni oliv me deli tiwai elalubao, wali. Tiali goli, megi da, eno dage dolaibao, te dagalude bomonama kulukulu weyu, te be sele eyu, te ni oliv doliyu, te siago dabo tiwai elama, te nologo togwa pabo tiwai yaibao.


Dago homugo te dago ogwa dabe te gesi ogomani te augwali te bomo yai ni dabe tiwai pedalumainu homu ebao. Tama dago homugo te wegi dabe te kingo te genuai be pos au ilibo wiegi yai piksa noma tiwai pedalumainu homu ebao, augwali sawi yai wegi dabe pedalumainao.


Te wai ogwa hauwa elalubo bidi, aga te wiegi yai pemene yao. Te agai te aga boi bidi dabe dali te po tų ebo pesagede te po tų ebo sogo, te augwaligo aga tau saibao. Tama aga te po tųde hagamainu me egobeo.


Te bidi Ulamgo ogwa dabe te bomai ami bidi elalu, te augwaligo te enesigigo enebo sę mu koneai da. Augwaligo wai dabe hauwa elalu, te bulali wąį nǫų wai me hauwa elaluali, te bidi 150 usu elaluai. Te nogi elalubo bidi tigidali te Benjamingo hani dao.


Godigo dabolo dwagi yai sę eyu, tama te wai dabe te wiegi yai nai mu tiwai mabo dao. Te wiegi yai nai dabe mu dago te Godide sabo dao.


Swiv nou:

Piblisite


Piblisite