Godigo Nogi Ugwaba Sabo Tęąbi Po Wabo Buku Dabe 126:4 - Godigo dwagi yai po buku

⁴ Genuai Bidi, nago da tigidali dena tǫba ma odasa asao. Te tama tiali, te buside wę gamia soabo te wa pomainu ebo tiwai bolo yali, tiali goli, nago te tulubage tulumainu elama, tama wę te ąį gamiade pągąmainu yao.

Godigo Nogi Ugwaba Sabo Tęąbi Po Wabo Buku Dabe 126:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 85:4

God, nago da ma selama, megi da, nago da te nagaba odasa ma pao. Ya, nago dabolo wado ma igio.

Hosea 1:11

Tama te hani Juda me Israel hani si te ma gesabidi deliba elama, tama te bulu tǫ kantri dedeli naga pedelaibao. Tama augwa polalubo bidi deli naga te nigilaibao, tama augwali te bomai kantri pedelama, tama augwaligo ebo sę tigidali te wiegi yai naga pedelaibao. Augwali te Godigo nigali wiegi yai gi tiwai pedelaibao. Mu tama, Godigo te sę ebo sogo, te genuai side mu yaibao,” wali.

Aisaia 43:19

Dagego te gesi sę eno eboba tonono yao. Te megi pedaludubo sę te dagego sube da, agawe? Te wa pai pesage badu te eno sunumi nigilama, tama eno te ąį dabe tebadu pomainu ilaibao.

Aisaia 41:18

Eno te wa pai bulu du dabede te ąį pedalumainu ilaibao, te ulu ąį te odogo malu tǫde pedelaibao. Tama eno te sigi ąį te wa pai pesagede pedalumainu ilaibao. Tama te ąį meni yai pesagede, te ąį hauwa elalueibao wali.

Aisaia 35:6

Te sągą dwai penelai bidi dabe gesa soyu, posoga palaibao, me te pedauwali pania sai bage te i weyu, pemene yaibao. Te wę dabe te masigi kemi tǫde pedaliyu, te tigidali habuba usu nama paibao.

Godigo Nogi Ugwaba Sabo Tęąbi Po Wabo Buku Dabe 126:1

Te Genuai Bidigo da te Saionba ma odasa asali sogo, dago homugo te dago olo nade ebo tiwai homu yai.

Josua 3:16

te wę togoyu, mu dąų olama, tama te wę ma soabeo. Te wę ugwadu te bobobage bulu du tiwai gilama, te bulu Adamba usu nigi pelama, te wę pesage holai tiwai elaluai, te Saretan hanu me deli pąde yali. Tama te sigi ąį Det Si teba dulubo wę te tigidali sula sai elaluai. Tama te we bidi augwali te wę tomodu pelama, te Jeriko hanu pąba u badu sabolai.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.