Godigo Nogi Ugwaba Sabo Tęąbi Po Wabo Buku Dabe 125:5 - Godigo dwagi yai po buku

⁵ Tiali goli, nago te augwa digi augwa dwai kolesaga wali pabo we bidiba te dwai dene mabo sogo da, teda nago kolesaga tagalubo we bidi tigidaliba nago te dene mao.

Godigo Nogi Ugwaba Sabo Tęąbi Po Wabo Buku Dabe 125:5 Referans Kwoze

Aisaia 59:8

Dagego te haliga nagame elama, dua digi bidibo kolesaga konesiąma, te dagego te Genuai Bidigo godolo ebo doloba pai kolesaga me ebeo. Menio. Te dagego kolesaga dabe dolo me isąwai, te bidi dabego dage te bilibo sunumi wali pobaso da, teda augwali te bugagia haliga nagame elama, bidabo pesage me gegelama, bidabo usu me egobeo.

Bugagia Bidibo Kolesagade Po Asęai Buku 2:15

Te bidi dabego ebo kolesaga te dolo mu me ebeo.

Godigo Nogi Ugwaba Sabo Tęąbi Po Wabo Buku Dabe 128:6

Eno homugo nage sesabi elama, bidimainu homu elama, te nago naga wąį nǫų dabe sumainu ebo dao. Te Israel dabe bugagia dugulalumainu elama, tama te hwįbo menia somainu yao.

Godigo Nogi Ugwaba Sabo Tęąbi Po Wabo Buku Dabe 40:4

Bidigo konealubo homu te Genuai Bidiba dąų wabo bidi da, te aga wiegi yai homu pemene yao. Te hagoma ebo bidi dabe wali pisąbo bidi tiwai, tama te Genuai Bidi me tagalisiąma, tama te tibo god dabeba lotu po me wagobeo. Mu menio.

Galesia 6:16

Tama eno homugo te eno megi tamadi wali po wali pabo we bidi tigidali, te Godigo augwalide homu dene eyu, tau sao, augwali moni homu isiąma bugagia bidimainogo yao. Tama te tobage we bidi augwali te Godigo dią sali Israel we bidi hani mu dao.

Dwagi Yai Gesi Po Jongo Asęani 14:27

“Eno dage taga pabo sogo pąde dao. Tama dage wi idali weyu, tama eno dage homu nagame elama, dua bidimainogo eno dagebolo bomo mobao. Eno te dwagi yai homu nagame ebo kolesaga eno dagebolo mobao. Tǫde we bidigo nagame yai mabo homu kolesaga tiwai eno dagebolo mabeo. Dagego homu kolesaga polo midigi siyu, tama dage wi egio.

Matyu 7:23

Tama te sogo eno augwalibolo te po hanilama waibao, ‘Eno dage munu me konebeo. Dage dwai sę ebo bage, dage piąo,’ eno te po te sogo waibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 101:3

Eno te dwai sę ebo kolesagade usu da me wagobeo. Mu menio. Eno te God tudiba mubo bidi dabego kolesaga wei me egobeo. Ena augwali dali me biligobeo.

Filipai 2:15

Tama dagego te sę tama eyu da, teda dage te gasa we bidigo gedude te magi sę isąwai we bidi bidiyu, tama dage te dwai sę dali dwagi yai sę dali gealusiąbo we bidi bidaibao. Tama bidiyu, dage te homu gagea pai haniani dwai dwai sę ebo we bidi tomode bidibadi goli, dage Godigo mu doloba pai wai puluba bidaibao. Tama dage augwali tomode bidibadi dagego te ho dabe hulide ula nanobo tiwai eyu bidiąo. Tama tibadi, dagego augwalibolo te wiegi yai bidibo ula elalubo po pusao. Dagego tama tiyu da, teda te Krais aga e tǫba ma asobo side eno dwagi yai homu dage dali yaibao. Magi baso meni, eno koneaibao, eno dage tomode yali tigi dene sę me te eno bomo me te olo dali ebeo.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Hibru 10:38

Tiali goli eno doloba pai we bidi augwaligo enade konealubo po wali pobaso, tama augwali bidada paibao. Tialima augwali tomode te bidi me deligo ena tagaliyu tama ibaba kila sobaso da, teda eno homu aga dali wiegi yai me egobeo,” te po wai.

Sefanaia 1:6

Te we bidi augwaligo ena tudi ola menama, tama ena wali me asisąma iyu, tama enabolo augwali dodolomainu hanalubo menio. Te eno te we bidi augwali me dolaibao,” Genuai Bidigo te po wai.

Hosea 2:18

“Tama te sogo eno te dąų wabo bomai po kontrak te buside tigidali uni hasa, me hasamani dabe dali, me ba dabe dali te po dąų walaibao,” po wai. “Tama augwaligo te eno we bidi dabe me dologobeo. Tama eno te hwįbo doado bage tigidali sela sąwaibao, te bobobage bainat ge hwą, me enesigi ene sesemone, tama eno we bidi dabe te tǫde dua digi tegaluama bidiyu, te augwali wi munu me egobeo,” wali.

Esekiel 37:26

Tama eno augwali dali kontrak po dąų walama, tama augwali tigidali sogo bugagia bida bida peyu bidaibao. Tama eno augwali augwa tǫde bidimainu sula tagalama, tama augwali we bidi hani genuai hauwa mu pedelaibao. Tama eno be augwali tomode tigidali sogo mu elalua paibao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Aisaia 54:10

Te bulu du dabe pedasa pelama, degaibao, tiali te eno nagede homu godolo ebo te sesemane sogo elalueibao. Te da si bugagia dugulalu, te eno bugagia bidabo sogo maiabo po weyu, te dąų walali bomo yai po te eno me bologobeo. Ena Genuai Bidi, te eno nagede homu dene mu eyu, te nage godolo homu mu yai, eno te sę dabe yaibao te po nageba wai dao,” wali.

Bugagia Bidibo Kolesagade Po Asęai Buku 14:14

Te dwai sę ebo bidi dabego te augwa ebo dwai kolesagade augwa dene dolo saibao. Tiali digi, te wiegi yai bidi dabego da, te augwa digi ebo wiegi yai kolesagade pemene ebo dao.

Godigo Nogi Ugwaba Sabo Tęąbi Po Wabo Buku Dabe 94:4

Nisu naga sogo elaluai dwai sę ebo bidi dabe augwaligo dwai kolesaga ebo dali dwagi yai homu te dwai sę dali yaibawe?

Godigo Nogi Ugwaba Sabo Tęąbi Po Wabo Buku Dabe 92:7

Te dwai bidi dabe te wiegi yai nosa tiwai ma pedaliyu, tama te dwai kolesaga ebo bidi dabego te doado bage hauwa selama, tama augwa bugagia bidaibao, tiali goli, nago augwali mu dolaibao.

Jopgo Po Asęani Elalubo Buku 23:11

Tigidali sogo ena aga bilibo sunumidu naga bilibo dao. Eno te sunumi tagalama, gasa sunumidu me pabeo.

2 Samuel 22:22

Eno te Genuai Bidigo bomai po bugagia wali pali. Eno te ena God tudiba munama, tama dwai kolesaga me ebeo.

Godigo Nogi Ugwaba Sabo Tęąbi Po Wabo Buku Dabe 92:8

Magi baso meni, Genuai Bidi, naga digi te sesemane king bidada peyu, bidada paibao.

Godigo Nogi Ugwaba Sabo Tęąbi Po Wabo Buku Dabe 92:10

Nago enaba genuai bomo mawai, te uni bulmakau omaigo bomo tiwai mawai. Nago enaba wiegi yai sę ebaso, tama ena wiegi yai pemene mu ebo dao.

Bugagia Bidibo Kolesagade Po Asęai Buku 21:16

Bidigo te wiegi yai homu kolesaga ebo sunumi te tagalubo bidi da, te isilama, tama te isali bidi dabe dali bidigi paibao.

Dwagi Yai Gesi Po Lukgo Asęani 11:25

Tama tibaso, bugagia ma dodolama, pobele bage meni yai beba ma pabo ąǫ te bidi pageba peyu te ebo dao.