Godigo Nogi Ugwaba Sabo Tęąbi Po Wabo Buku Dabe 124:8 - Godigo dwagi yai po buku

⁸ Te dagalu dali, tǫ dali nigali Genuai Bidigo, aga digi te da tau sabo dao.

Godigo Nogi Ugwaba Sabo Tęąbi Po Wabo Buku Dabe 124:8 Referans Kwoze

Godigo Nogi Ugwaba Sabo Tęąbi Po Wabo Buku Dabe 121:2

Menio. Genuai Bidigo dagalu dali, tǫ dali nigali, agai deligo naga ena tau sabo dao.

Godigo Sęba Tagala Palai Bidigo Po 4:24

Tama te Godigo po odama wali pabo bidi hani augwaligo te po odama, augwali deli homu ebadi, Godibolo te po wai, “Genuai Bidi, dago sę Tolalubo Bidi, te dagalu dede, tǫ dede, te tamu ąį dede, te augwali tomode bidibo nai tigidali me, nagaduba nigali.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Godigo Nogi Ugwaba Sabo Tęąbi Po Wabo Buku Dabe 134:3

Genuai Bidigo te dagalu me tǫ nigali, tama te Saionde bidiyu, eno homugo agai dage dali wiegi yai sę emainao.

Godigo Nogi Ugwaba Sabo Tęąbi Po Wabo Buku Dabe 115:15

Genuai Bidigo te dagalu de tǫ si pedalumainu ilali, tama eno homugo agai te wiegi yai sę ebo kolesaga dageba emainao.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.

Godigo Nogi Ugwaba Sabo Tęąbi Po Wabo Buku Dabe 20:8

Te we bidi dabe augwali tulaluama, tama mu hagawaibao. Tiali goli, da te hodalu, tama bomonama dolaluaibao.