Godigo Nogi Ugwaba Sabo Tęąbi Po Wabo Buku Dabe 122:6 - Godigo dwagi yai po buku

⁶ Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

Godigo Nogi Ugwaba Sabo Tęąbi Po Wabo Buku Dabe 122:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 51:18

Naga homu kolesagago digi, te Saion we bidi dwagi yai homu ma ilao. Naga digi Jerusalem genuai hanu moni masigigo nigali obo ma dodolao.

Jeremaia 29:7

Eno dage te megi bidibo buluba odasa pali. Tama dagego te bulu tau sabo sę eyu, bugagia bidao. Tama dagego Genuai Bidi enaba gedu haluasa po waiyąo, te eno te bulu wiegi yai ilaibao. Magi baso meni, te bulu bugagia elalubaso da, teda dage me bugagia bidaibao,” te po wai.

Tigidali Nai Gagalama Nigali Side 12:3

Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.

Jeremaia 51:50

Tialima, te Babilon augwaligo dage dolisąwani Israel, dage polo asesą Babilon tagalama, wi pao. Mu tama, duga page bulu digibulu elaluali, tiali goli, te dagego Genuai Bidiba homu kone palama, te dagego Jerusalem homu kone ebo homu me gegeda paligio.

Israel Hanigo Namba 24:9

Israel dabe te boma pai laion tiwai dao. Te aga pilamubadi da, te bidi me deligo aga hodolobo usu egobeo. Ma, te bidi mego Godigo te Israel dabe dali wiegi yai sę yao po wali da, teda eno homugo Godigo te bidi dali wiegi yai sę yaibao. Ma, te bidi me deligo Godigo te Israel dabe dolomainao po wali da, teda eno homugo Godigo te bidi dolaibao,” Balamgo te po wai.

1 Jon 3:14

Dago dena ama dabe augwali dali dwagi yai homu eyu godolo ebaso, tama te dago koneai, dago te genuai sia dabo buluba pabo tų tagalama, tama da te bidada peyu bidada pabo ula sabo tų sabolai dao. Gasa we bidi dali dwagi yai homu eyu godolo ebo kolesaga masiąbo bidi, aga te genuai sia dabo buluba pabo tųdu me bilibo dao.

Efesus 4:3

Tama Godigo Mobo Bidi agai dage homu kęnai we bidi dabe nigilibaso, te kolesagago agai dage te bonogo kebo tiwai elama tama dage deli hani tiwai mu bidibo dao. Tama tibaso da, dage bomo elama sę dene eyu te deli hani kolesaga dąų ola selama bidao.

Dwagi Yai Gesi Po Jongo Asęani 17:21

augwali tigidali deli homu naga elama bidimainogo ebao. Aya, nage ena dali wadoloyu, tama ena nage dali wadoloyu bidibo tiwai, eno homugo augwali da si dali homu deli elama, wadoloyu bidimaio. Tama te tiwai elama, tama tǫde we bidi augwaligo te nago ena e tǫba tagala palali po odama, tama augwaligo te mu po dao olama, koneagameo. Tama te sę pedalomainogo, eno e po nage dali megi obao.

2 Tesalonaika 3:16

Te Genuai Bidi Jisas aga dwagi yai homu nagame ebo page bidi mu dao. Tama dago homugo sesemane sogo aga digi dage dali bidiyu, tama dage dwagi yai homu nagame emainogo yao. Tama dago homugo haniani sę dagebolo pedalubaso da, teda agai dage dwagi yai homu nagame emainogo yao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Nehemia 11:1

Te sogo te Israel tobolu bidi dabe te Jerusalemde bidali, tama te meba we bidi augwali gasa hanu dabede bidada pali. Tama augwaligo satu gagali yali, te augwa nogo si hani tomode deli deli hani te Jerusalemba bidigi pabo bage sa mumainogo, te Godigo hanu. Tama te gasa hani meba augwali te gasa meba hanu dabede bidada pali.

Nehemia 11:2

Tiali goli, te meba we bidi hanigo te augwa homu kolesaga wali pelama, te Jerusalemba bidigi pali, tama te Israel dabego wiegi yai homu pemene augwaliba yalio.

Esta 4:8

Tama Mordekaigo te Hamango tolali pas me deli selama, te Hatakbolo mani. Te paside te Juda we bidi tigidali augwali ela muaibao po wai. Mordekaigo Hatakbolo te pas sela pelama, tama te tigidali sę pedelabo po pusao po wai. Hatakgo Estabolo olama, te Esta te tuni bidi bidibo madi pelama, tama te tuni bidibolo hanaluama, tama agai te Juda dabe homu dene ebaso, olo mu tau somainao wabo po hanalugi pomainao, te po wai.

Aisaia 62:7

Dagego bomo elama, agaba i ola pidu, agai te Jerusalem bomo ma iliboba usu nao, tama Jerusalem te tigidali tǫde we bidi gedude polalu mu pedelaibao,” eno te po wali.

Aisaia 66:10

“Dage te Jerusalem godolo mu ebo hani dabe, dagego aga dali wiegi yai pemene yao. Dage agade te homu dene elama, gela weyu yali hani dabe, megi da, dagego aga dali wiegi yai homu pemene yao.