Godigo Nogi Ugwaba Sabo Tęąbi Po Wabo Buku Dabe 122:4 - Godigo dwagi yai po buku

⁴ Te Israel hani dabe teba aselama, te Genuai Bidiba puba hwi po wagasobo dao, te polobadu agai augwaliba wali po tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 122:4 Referans Kwoze

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Godigo Nogi Ugwaba Sabo Tęąbi Po Wabo Buku Dabe 132:13

Genuai Bidigo te Saion sa muanio, tama aga tede sesemane bidainu yai.

Ma Dobola Sali 23:17

“Ena God, dagego Genuai Bidi, tama eno te kibu be deli delide sela sogo lotu wabo bodolu muani, tama te tigidali bidi dage aselama, enaba lotu po te sogo wagasiąo.”

Godigo Nogi Ugwaba Sabo Tęąbi Po Wabo Buku Dabe 118:19

Te tempel be sunumi dabe dalao, tama ena te tomoba pelama, tama Genuai Bidigo nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 78:68

Agai te Juda hani bage dali, te Saion bulu dali sa muani, te bulu du te agai wei mu ebo bulu dao.

Bomai Po 12:11

Genuai Bidigo agaba lotu wabo pesage deli aga sa muaibao. Tama te pesagede da, dagego eno megi dagebolo wali te nai dabe sesiąo. Tama te ofa da, te isigo sese dela silibo ofa, me te meba ofa dabe me, te tigidali nai bugwai me badu te ofa me, te me gasa nai dabe dagego Genuai Bidibolo mawainogo yali, te ofa me te wiegi wiegi yai nai dabe te dąų wali te po usu nabo, te nai dabe tama sesao, te eno hasia polo wali.

Bomai Po 12:5

Genuai Bidigo dage lotu po wabo pesage me deli dage hanigo tǫde sa muaibao. Tama te pesagede naga te we bidi augwali pąba aselama, tama augwali agaba lotu po omainao.

Ma Dobola Sali 32:15

Tialima, Moses te bulu dude bidali tagalama, tama aba duliyu, te Godigo bomo yai po asęani te masigi pedai si sela dulai. Godigo po te masigi si te si dali si badu te po asęai dao.

Ma Dobola Sali 16:34

Tama Arongo te mana muani sene te bomo yai po munalubo halobage eda badu muani, te Genuai Bidigo Mosesbolo wali po gilama tama tiwai.

Godigo Nogi Ugwaba Sabo Tęąbi Po Wabo Buku Dabe 81:6

Eno te bidi me deligo dogonide po odolama, tama te dego dogoni te eno konesiąwai. Agai te tama po wali, “Eno te dagego nagede elaluali sęgę tigidali tega sąwanio,” wali. “Tama eno dagego te sę ebo basket dabe te tǫba mumainu yai dao.

Godigo Nogi Ugwaba Sabo Tęąbi Po Wabo Buku Dabe 100:4

Da agai dwagi yai be tomoba pelama, agabolo puba hwi po olama, gedu haluasa po weyu, aga nogi ugwaba sao. Dago aga dali usu da olama, gedu haluasa po weyu, tama agabolo genuai nogi mao.