Godigo Nogi Ugwaba Sabo Tęąbi Po Wabo Buku Dabe 121:8 - Godigo dwagi yai po buku

⁸ Te nago be taga pabo sogo, te Genuai Bidigo nage tonaluaibao. Tama te nago ma asobo sogo me, te agai nage tonalubao, tama megi me, te tigidali sogo nosali bidibode me, te tiaibao.

Godigo Nogi Ugwaba Sabo Tęąbi Po Wabo Buku Dabe 121:8 Referans Kwoze

Bomai Po 28:6

“Godigo dagego ebo sę dabe wiegi yai pedalomainu yaibao.”

Bugagia Bidibo Kolesagade Po Asęai Buku 2:8

Godigo te doloba pai kolesaga ebo bidi dabe bobegela selama, tama te agade homugo kęą pali bagego wali pabo sunumi agai te tonalubo dao.

Bugagia Bidibo Kolesagade Po Asęai Buku 3:6

Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

Godigo Nogi Ugwaba Sabo Tęąbi Po Wabo Buku Dabe 113:2

Da tigidaligo te wiegi yai pemene te Genuai Bidigo nogide yao, megi, me tigidali bidada pabo sogo nosali, te tama tiao.

Esra 8:31

Tialima, te namba wan polua, dei 12, tede dago te wę Ahava tagalama, tama te Jerusalemba pabo sunumi wali palio. Tama God da dali bidiyu, tama da bugagia tonaluai. Tama tialima, te boi bidi dabego daba hwįagasu me ebe, tama te nai wi sabo bidi dabe te sunumi pąba geme me duala sagaselama, te daba samonagaselama tama te dago doado bage wi me sagasobeo.

Godigo Nogi Ugwaba Sabo Tęąbi Po Wabo Buku Dabe 115:18

Tiali goli, da bidibo bagego digi, teda te Genuai Bidiba usu da po wabo, te megi me nosali waiyąo. Te Genuai Bidigo nogi ugwaba sao.

Esra 8:21

Da te wę Ahava pąde bidalu, tama te tigidali sę bidibolo eno te tiwai po wai, “Dago te nai habu selama, tama dena God gedude dena digi aiyaba elaluinao,” po wai. “Tama dago agabolo hanalu, te da tau somainu eyu, tama da me te dago wai dabe tonalumainu eyu, te dago doado bage dabe dali, te da Jerusalemba pabo sogode me tonalumainu ebo dao,” wai.

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

Bomai Po 28:19

“Godigo dagego tigidali ebo sę dabe dolaibao.”

Godigo Nogi Ugwaba Sabo Tęąbi Po Wabo Buku Dabe 125:2

Te Jerusalem bagualu elalubo bulu du dabe, te tiwai naga megi, me nosali tigidali sogo telaluaibao, te Genuai Bidigo aga we bidi bagualubo dao.

Godigo Nogi Ugwaba Sabo Tęąbi Po Wabo Buku Dabe 131:3

Te Israel dabe, dagego konealubo homu Genuai Bidiba muiyąo, megi me, tigidali sogo nosali me, te tama tiao.