Godigo Nogi Ugwaba Sabo Tęąbi Po Wabo Buku Dabe 121:5 - Godigo dwagi yai po buku

⁵ Genuai Bidi agai te nage tonalubo bidi dao. Aga te nage pąde dolalu, tama nage tonalubo dao.

Godigo Nogi Ugwaba Sabo Tęąbi Po Wabo Buku Dabe 121:5 Referans Kwoze

Aisaia 25:4

Nage te nai meni yai bidi dabe duala sabo bulu tiwai nage bidai dao. Tama augwali sęgę ebo sogo augwali bugagia bidai dao. Te dwai bidi dabego homu sębę te bomai waligo te be daga tigiba hudula palobo tiwai dao, me te sesana pai giliga te kemi tǫ wa pai bulude nanebo tiwai dao. Tiali goli, te tulubage sogo, me wali ebo sogo, nago augwali mesegelama, tonaluai dao. Te nai meni yai bage nago tonaluai dao. Tama bomai giligago augwali ulumainu sula tagalai menio. Genuai Bidi, nago te boi bidi dabego pedauwali paninama, tama te dwai bidi dabego i hae wabo tama sia sabo dao. Te pǫgo te sesana pai giliga dualobo tiwai ebo dao. Tama te bulu kedaua pabo dao.

Godigo Nogi Ugwaba Sabo Tęąbi Po Wabo Buku Dabe 91:1

Bidi te Ugwade Mu Bidibo Godiba pelama, te agai aga tonalumainu yali, aga te Tigidali Bomo Elalubo God pąde bidiyu, tama agai aga mesegalubo dao.

Godigo Nogi Ugwaba Sabo Tęąbi Po Wabo Buku Dabe 16:8

Sesemane sogo eno homugo konebo, Genuai Bidi ena pąde bidibao, te eno dolo nogo badu, tama magi nai mego ena me degelegobeo.

Ma Dobola Sali 13:21

Tama siade te Genuai Bidi te genuai bobage pǫ tomode bidali, tama aga polasa peyu, augwali pabo tų ola mawai. Tama hulide aga te genuai bobage sia dabe tomode bidiyu, tama aga polasa peyu, tama augwalibolo te sia ula ilai. Tama tibaso, augwali te siade me, hulide me pabo usu yaibao.

Godigo Nogi Ugwaba Sabo Tęąbi Po Wabo Buku Dabe 109:31

Magi baso meni, agai te magi nai meni yai bidi dabe tau selama, tonalu ebao, te bidi dabego augwali po tų eyu, tama te augwali isimaina obaso, te usu me egobeo.

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Matyu 23:37

“Jerusalem, Jerusalem, nago te Godigo tagala palali bidi profet dabe augwali ela munama, tama nago te Godigo nageba tagala palali sę bidi masigi sąnama, augwali me ela muanio. Hauwa sogo mu eno nago we bidi sisinainogo ebadi, te so ba kakarukgo te aga wai dabe augwali te bogo dologoba sisinibo tiwai, tiali goli dagego hagela yai dao.