Godigo Nogi Ugwaba Sabo Tęąbi Po Wabo Buku Dabe 121:2 - Godigo dwagi yai po buku

² Menio. Genuai Bidigo dagalu dali, tǫ dali nigali, agai deligo naga ena tau sabo dao.

Godigo Nogi Ugwaba Sabo Tęąbi Po Wabo Buku Dabe 121:2 Referans Kwoze

Aisaia 41:13

Ena Genuai Bidi, te duga God dao, eno dage ugwaba sagualu tonalu, te eno te tiwai po dageba obao, dage wi me igio. Te eno dage tau saibao, te po wai dao.”

Godigo Nogi Ugwaba Sabo Tęąbi Po Wabo Buku Dabe 124:8

Te dagalu dali, tǫ dali nigali Genuai Bidigo, aga digi te da tau sabo dao.

Hibru 13:6

Tama Godigo te po obaso, dago dena homu bomonama tama dago e tiwai po waiyąo, “Genuai Bidi da ena tau sabo bidi dao. Te ena wi me egobeo. Te bidi dabe augwaligo ena dali ebo dwai kolesaga tigidaligo ena dologowe? Menio!”

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Jeremaia 20:11

Tialima, Genuai Bidi, nage te bomai ami bidi me deli tiwai elalu, te nago ena tialu tau sainu elalubao. Tama te bidi dabego enaba dwai sę pedalumainogo yali, te dwai sęgo augwa aiyaba ma elaluama, te augwaligo ena aiyaba elalueinogo ebaso, usu me egobeo. Mu menio. Te augwa dwai hale mu eyu, tama augwa te hale te tigidali sogo elaludubadi, te me siligobeo.

Godigo Nogi Ugwaba Sabo Tęąbi Po Wabo Buku Dabe 115:15

Genuai Bidigo te dagalu de tǫ si pedalumainu ilali, tama eno homugo agai te wiegi yai sę ebo kolesaga dageba emainao.

Hosea 13:9

“Te Israel dabe, te ena deli naga te dage tau sabo usu yaibao. Tiali goli, dagego hagela ebaso, tama eno dage dolaibao. Tama dego dage tau sogowe? Te bidi dabe menio.

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.