Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 120:4 - Godigo dwagi yai po buku

4 Te agai dage te ami bidi dabego poa pai enego enaibao, tama posolai sia te dage tigiba gea palaibao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 120:4
19 Referans Kwoze  

Te bidigo po tųde tibo po obaso da, teda aga dwai dene saibao. Augwaligo te tobage tibo po wabo bidi ela muaibao.


Te nago pogo bidi bugagia bidabo bomo elalubao. Me ma, nago pogo te bidi dolabo bomo me elalubao. Tama tiyu, nago wiegi yai po wabo kolesaga wei eyu da, te nage bugagia bidaibao.


Te bidigo po tųde te tibo po weyu da, teda aga dene dwai saibao. Augwaligo aga me gogologobeo.


Bidi dwai mugo te haniani sunumi gegelama, te dwai sę te gasa we bidi dabeba yainu tiaibao. Agai po da, te genuai sia bogoli tiwai eyu, tama te augwali dolobo dao.


Te nago ene dabe te mu poa pelama, tama te boi bidi dabe mu eneyu ebo dao. Nago hwįyu, te gasa hani dabe aiyaba elaluama, tama augwali te nage dologode bidibao.


Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.


Genuai Bidi te haliga sębę mu eyu, tama te tibo po wabo bidi tigidali dali te boi bidi homu ebo dao. Tiali goli, agai te mu po naga wabo bidi dabe dali te agai pemene ebo dao.


Te doado bage te dwai bidi dabego sali, te augwali tau sabo mu usu me egobeo. Te olo bage nai naga tiwai yaibao. Tiali goli, te doloba pai kolesaga ebo bidi dabego te wiegi yai nai mu saibao.


Te bidigo gasa bidi dolama, te po dwai wabo bidi, aga te kolesaga umuna sai bidi tiwai ebao. Tiali goli, te wiegi yai homu elalubo bidigo pedauwali te pania selama, tama te tobage po me wagobeo.


Te dwai kolesaga ebo bidi dabego po obaso da, te pogo te gasa we bidi dabe dolaibao. Tiali goli, te doloba pai bidi dabego te wiegi yai homu kolesaga ebogo te augwa digi tau siyu, tama augwa bugagia bidaibao.


Odao. Te augwaligo po te dwai mu weyu, te bainat hwą poa pai mu tiwai yali. Tiali goli, augwaligo te po wali, “Dego dago te po odomainu yagawe?”


Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.


Tiali goli, odao. Godigo te nage mu doloyu, tama nage te tiwai elalua paibao. Agai te nage pageabi elama, tama naga bede te nage sela sąwaibao. Tama nage mu sia somainu ilama, tama nage te tǫde ma bidimainogo me elalugobeo.


Agai augwali te sia dabo enego usu sali. Agai te bidi dabe augwali ela muabo ene dabe sisi yai elalubao.


Dago te bidigo gasa bidiba te posobo po wabo odobo te wei mu ebo da. Te tobage po te pusai nai tiwai eyu, tama polo tama dago tubo dao.


“Tama ena, Tigidali Bomo Elalubo Genuai Bidi, eno te po obao, suao, te eno ena te we bidi usu saibao, te bidigo silva te siaba ulubo tiwai eyu, te silva aga hogomu pobele bage sela sąbo tiwai yaibao. Te eno we bidi hanigo dwai sęgę sabo sę ebaso, mena gasa sę eno augwaliba yabo me elalubawe? Menio.


Swiv nou:

Piblisite


Piblisite