Godigo Nogi Ugwaba Sabo Tęąbi Po Wabo Buku Dabe 119:9 - Godigo dwagi yai po buku

⁹ Mena tama tiyu, gesi bidigo dwagi yai kolesaga dali biligowe? Agai nago po wali peyu da, aga magi sę me isiąma, dwagi yai bidaibao.

Godigo Nogi Ugwaba Sabo Tęąbi Po Wabo Buku Dabe 119:9 Referans Kwoze

Polgo Si Wali Pas Timotiba Asęani - 2TI 2:22

Nage gesi bidi dao. Te gesi bidigo dwai sę godolo ebo homu kolesaga nageba pedalubo si, te sesemane sogo nage te kolesaga suyu sali siyu wi pao. Tama tiyu nago te doloba pai kolesaga me, te homu mu ebo kolesaga me, te we bidi dali dwagi yai homu eyu godolo mu ebo kolesaga me, te homu nagame eyu we bidi dali bugagia bidibo kolesaga me, te kolesaga tigidali nago pobasa pao. We bidi meba augwali te meda meni yai homu kolesaga elalu tama te Genuai Bidigo nogi nogi eyu, “Da aga we bidi dao,” te po wabo bage dao. Tama nago augwali dali wadoloyu, tama dagego te eno megi tama nogi yali wiegi yai kolesaga pobasa pao.

Josua 1:7

Tama tibaso, nage bomo mu elama dolaluyu, tama nage wi me isiąyu, tama habu bulu me pelamuo. Nago bugagia tonaluyu, tama eno sę bidi Mosesgo nagebolo mani bomai po tigidali mu wali pao. Nago te bomai po me badu dwasianu munu me tagalamuo. Nago te bomo yai po dabe tigidali bugagia wali peyu da, teda te nage mena badu pabo te nage munu me dolomainu me egobe, te nage bugagia naga bidaibao.

Godigo Nogi Ugwaba Sabo Tęąbi Po Wabo Buku Dabe 25:7

Genuai Bidi, nago eno dwai sęgę sali, me dwai sę yali kolesagade homu kone me palamuo, te ena gesi bidide te sę yali. Nage te da godolo ebo Genuai Bidi God dao, tama nage te sesemane wiegi yai elalubo da. Nago enade homu koneama, tama nago ena te olo mu tau sabo wiegi yai kolesaga yao.

Godigo Nogi Ugwaba Sabo Tęąbi Po Wabo Buku Dabe 119:11

Eno nago po eno homude munama, tama eno konealuai. Magi baso meni, eno nage dali dwai sę idali weyu tibao.

Bugagia Bidibo Kolesagade Po Asęai Buku 1:10

Ogwa o, te dwai bidi dabe, ma te nai wi sabo bidigo te nagebolo te homu bega sabo po weyu, te dwai kolesaga meba inao po obaso da, teda nago te augwaligo po wali me pigio.

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.

Dwagi Yai Gesi Po Jongo Asęani 15:3

Tama eno dage meda meni yai bidi dabe ilai dao. Eno dagebolo polobadu wali pogo te dage meda meni yai bidi dabe ilai dao.

Kolesaga Koneai Bidigo Pusali Po Elalubo Buku 11:9

Dage gesi ogwa bidi dabe, dagego te dage gesi tigi elalubadi, wiegi yai pemene yao. Dagego te duga homugo godolo homu wali pobao. Tiali goli, dua da, Godigo dagego yali kolesaga te agai po tųde dagalaibao.

Bugagia Bidibo Kolesagade Po Asęai Buku 4:1

Te wai dabe o, dagego te duga aya eno po bugagia odao. Olo bugagia mubaso da, te dagego wiegi yai homu kolesaga saibao.

Bugagia Bidibo Kolesagade Po Asęai Buku 1:4

Tama te bidi mebago te koneai kolesaga dwasianu naga elalubaso da, teda te e pogo te augwali tau selama, te gasagi yai bidi me pedalu, tama agai te koneani wiegi yai kolesaga te gesi bidi dabeba mayu, tama augwaliba te bilibo wiegi yai kolesaga ola mawaibao.

Bugagia Bidibo Kolesagade Po Asęai Buku 7:7

Tama eno suali, te gesi bidi dabe te sunumidu iba soyu, oba soyu ebo suali. Augwaligo te wiegi yai koneani homu kolesaga me elalusiąwai. Tiali goli, me deli te agai mu geda muanio.

Jopgo Po Asęani Elalubo Buku 1:5

Tama te wai pulubago nai ula tubo si ela silibo si da, teda augwali sisi elaluama, te Jopgo augwali i olama, aselama, te aga wai dabe Godigo gedude dwagi yai ma emainogo te ofa nai mayu yai. Aga kigamu hulide mu hodaluama, te nai sese bugagia mu demainu ebo dao. Te bidi agai te nai ofa aga wai dabe deli delide usu nama ulubo dao. Augwaligo te nai da tula silibo si, Jopgo tama sę naga ebo dao. Magi baso meni, agai te homugo tibo dao, agai wai dego dwai sę eyu, augwa homude Godibolo dwai po me waliwe weyu, tibo dao. Tama te kolesaga Jopgo hauwa sogo idu geai dao.

Dwagi Yai Gesi Po Lukgo Asęani 15:13

“Te dwasianu bidama, i badu bidigo aga sali doado bage munama, tama gasa bidigo abelama, te i badu bidibolo masigi dabe mani. Tama te i badu bidi aga doado bagede sai mone tigidali selama, gasa digibulu tǫba mu pelama, bidigi pai. Tede bidibadi, aga dwai dwai haniani sę eyu, hagoma homu ebo kolesaga elama, aga mone tigidali besela sąnama dolama tagalalio.

Tuni Bidi Dabego Po Elalubo Buku Si 6:16

Tama megi da, Genuai Bidi, da Israel dabego God, eno nago eno aya Devit dali po me dąų wali te po me kone palao homu ebao. Nago agabolo e tama po walai dao, ‘Devit, te nago wai pulubago ena wali tigidali sogo peyu elama, tama eno gedude bugagia dolasa biliyu ebaso da, te nago ebo tiwai ebaso da, teda eno tigidali sogo nago hani bidide te Israel dabego king bidi pedalomainogo iyu yaibao,’ wali.

Jopgo Po Asęani Elalubo Buku 13:26

Eno tonobo da, nago eno polobadu gesi bidide yali sęgę me konealubo ąǫ ebao. Tama megi nago te sęgę wei ponoyu, ena sęgę mabo ąǫ ebo.

Bomai Po 17:18

Te bidi aga tuni bidi king nigibo sogo, agai te Godigo bomai po asęai buku me deli e tiwai somainao. Agai te Livai pris dabego tonalubo bomai po elalubo buku nedama, tama aga nogogo digi te gasa bukude te bomai po asęao, tama te buku agade munolumainao.

Godigo Nogi Ugwaba Sabo Tęąbi Po Wabo Buku Dabe 17:4

Eno dwai po bidi mebago wabo po tiwai wabo menio. Eno nago po bomo elama dąų weyu, tama eno te wado po weyu, hwįbo po wabo kolesaga tudiba muai.

Bugagia Bidibo Kolesagade Po Asęai Buku 2:11

Te bugagia homu kone palubo kolesaga tego nage bobogela selama, tama wiegi yai kolesaga koneanigo te nage tonaluaibao.