Godigo Nogi Ugwaba Sabo Tęąbi Po Wabo Buku Dabe 119:82 - Godigo dwagi yai po buku

⁸² Eno te nago dąų wali po mu usu nugowe weyu, nage tonalubadi, te eno gedu magane eyu, hagela mu ebao. Tama eno te po weyu, “Nisu sogo nago eno haliga dua digi nagame iligowe?” eno te po wabo dao.

Godigo Nogi Ugwaba Sabo Tęąbi Po Wabo Buku Dabe 119:82 Referans Kwoze

Godigo Nogi Ugwaba Sabo Tęąbi Po Wabo Buku Dabe 69:3

God, eno nageba te i wedu wedu gebo sę edubadi, tama eno bomo te silalio. Tama eno dogoni wa pelama, tama eno gedu dene yai, magi baso meni, eno te sesabi elama gana nago ena tau sabo tonaluai.

Godigo Nogi Ugwaba Sabo Tęąbi Po Wabo Buku Dabe 119:123

Te nago ena te dwai bidi dabego nogode ma dobola sogowe weyu, te nageba tonalu tonalu ebao, te nago polobadu tama tiabo po dąų wai dao. Tiali goli, ena tonalubadi digi, te ena dwai dene mu ebo dao.

Bugagia Bidibo Kolesagade Po Asęai Buku 13:12

Te bidigo te nai me deli sabo homu elama, tama te odolali tonalubadi te sesabi mu ebaso da, teda aga homu sęgę eyu, bidaibao. Tiali digi, agai te nai sobaso da, teda aga te tiwai homu eyu, te aga bidibo ula te wiegi yai mu da homu elama, tama aga pemene umabo mu yaibao.

Godigo Nogi Ugwaba Sabo Tęąbi Po Wabo Buku Dabe 86:17

Genuai Bidi, eno homugo te nago ena wei ebo da homu ebo te nago enabolo ola mao. Tama te boi bidi dabego suyu, te nago ena tau siyu, te dąų walobo te augwa konemainu yao. Tama augwa ebo kolesagade te augwa hale mu somainu yao.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Aisaia 38:11

Ena te bidibo ula elalubo we bidi dali ma bidigobe da homu yali, te eno Genuai Bidi ma sugobeo wali. Ena te bidibo ula me elalusiąbo bulu pesageba bidigi paibao homu yai, tama eno te bidibo ula elalubo we bidi ma sugobe homu yai dao.

Bomai Po 28:32

Tama dagego olo gedugo naga tonalubadi yaide, te gasa kantri bidi dabego duga wai puluba dabe selasa paibao. Tama tigidali sogo dage duga wai puluba ma asogowe weyu, tonaluyu yaibao, tama dagego te sunumidu gedu pomonama tonaluyu yaibao. Tiali goli, dage olo dali tonalubadi, dagego gedu olo dali dene yaibao. Tama dagego wai puluba ma oda sainogo dagego magi sę me egobeo.