Godigo Nogi Ugwaba Sabo Tęąbi Po Wabo Buku Dabe 119:61 - Godigo dwagi yai po buku

⁶¹ Te dwai bidigo usu sabo homugo ena paliyu, tama ena augwaligo kolesagaba oda sainogo ebao, tiali digi eno nago bomai po tagalobeo.

Godigo Nogi Ugwaba Sabo Tęąbi Po Wabo Buku Dabe 119:61 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:176

Eno te sunumi tagalama olo bilibao, te kibu sipsip wai hagabo tiwai ebao. Tama tibaso, nago ena naga sę bidi gegagasao. Magi baso meni, eno nago bomo yai po homu kone palobo, me gegeda pabo meni dao.

Hosea 6:9

Te pris dabe te nai wi sabo bidi dabe tiwai elama, te sunumide geme dualaluyu, te bidi dabe dolama, te augwaligo doado bage wi sainu ebo dao. Tama te augwaligo te bidi dabe te Sekemba pabo sunumi tunu magede ela muyu yali, te lotu wagi pabo pesage dao. Augwali te bidi dwai dabe mu dao.

Bugagia Bidibo Kolesagade Po Asęai Buku 24:29

Nago te tiwai po weyu, “Megi da, eno te agai dwai sę yali wei ponaibao,” po wagio. “Te eno agai ena dali te yali tobage sę tiwai kolesaga te aga dali yaibao,” po me olamu dao.

Godigo Nogi Ugwaba Sabo Tęąbi Po Wabo Buku Dabe 140:5

Te hagoma ebo bidi dabego te ena tola somainu ebo bono gągą munama, elalubao. Te bono gągą augwa te bomai kedoago nigai, augwaligo te ena bilibo sunumide gebelama, te ena te hasa tiwai gilama sainu yali.

Godigo Nogi Ugwaba Sabo Tęąbi Po Wabo Buku Dabe 119:95

Te dwai sę ebo bidi dabe geme duala sagaselama, ena ela mueinu ebao. Tiali goli, eno nago bomo yai po tigidali konealubaso, te tama sę eno homu si me egobeo.

Godigo Nogi Ugwaba Sabo Tęąbi Po Wabo Buku Dabe 3:1

Genuai Bidio, te eno boi bidi dabe augwali te hauwa mu pedalubao. Te bidi hauwago ena dolobo sę ebao.

Jopgo Po Asęani Elalubo Buku 1:17

Te bidigo po odubadi yaide, gasa sę bidi me sabolagaselama, te po wali, “Te Kaldia bidi hani sela aselama, te kibu kamel dabe wi sela peyu yaide, te sę bidi dabe ela muna silalio. Ena deli aselama, nagebolo e wagasobao,” wali.

Godigo Nogi Ugwaba Sabo Tęąbi Po Wabo Buku Dabe 119:16

Nago bomo yai po eno godolo mu ebao. Tama eno homugo te po gegeda peyu, tagalogobeo.