Godigo Nogi Ugwaba Sabo Tęąbi Po Wabo Buku Dabe 119:45 - Godigo dwagi yai po buku

⁴⁵ Eno usu selama, nago po wali painogo yai, tama te badi te dwai kolesgago ena dąų wagobeo.

Godigo Nogi Ugwaba Sabo Tęąbi Po Wabo Buku Dabe 119:45 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:133

Te nago tonalubaso da, teda ena te dwai sęgęba tulalugobeo, te nago tama tiabo sę po polobadu dąų wai. Te dwai kolesagago ena aiyaba elalu idali weyu, te nago tona tagaligio.

Jems 1:25

Godigo wiegi yai doloba pai bomo yai po te bomo yai pogo da we bidi tau siyu, tama da bugagia bidiyu, tama da magi nai mego da kalabuside bidibeo. Tama niwai bidi me agai te Godigo bomo yai po page bugagia osola susa pelama, tama te bidi agai te po olo naga odola tagalobeo, menio, te bidi agai te bomo yai po wali pabo dao. Te tiwai bidi Godigo tau siyu, tama te bidi aga bugagia bidiyu, aga ebo sęde tigidali aga homu wiegi yai yaibao.

Bugagia Bidibo Kolesagade Po Asęai Buku 4:12

Nage te sunumidu pali da, te magi nai me deligo te sunumi me pania sisąma, tama nage me tulalugobeo.

Godigo Nogi Ugwaba Sabo Tęąbi Po Wabo Buku Dabe 119:94

Ena naga nai mu tama, tama tiyu, nago ena ma sao. Sesemane sogo eno nago po wali pabo homu ebao.

Dwagi Yai Gesi Po Jongo Asęani 5:39

“Dagego te homu ebo dao, Godigo asęani po tego dagebolo te bidabo bomo menama, tama dage bidada peyu, bidada paibao. Tama te homu eyu, dagego te po tigidali sogo gegeyu, nedebo dao. Tama te asęani po aga digi enade po page ola mabo dao.

2 Pita 2:19

Tama te tibo po ola mabo bidi dabe augwaligo te po te we bidibolo wabo dao, “Dagego dago po wali peyu da, teda dage olo mu bidaibao.” Tama augwaligo te tobage po wabo digi tiali goli augwali te augwa digi dolobo kolesaga ebo sę bidi bidibo dao. Te tiwai dao: tama te bidi te magi kolesaga me deligo te bidi me deli aiyaba elaluyu aga dąų obaso da, teda te bidi aga te elalubo kolesagade dąų wali bidi dao.

Jems 2:12

Tama tibaso, dagego te nosali pedalabo sę homugo koneao. God agai te bomo yai po deligo da bugagia bidimainogo ebo dao. Tama te sogo Godigo tigidali tǫde we bidi te bomo yai po deligo naga osalama dagalaibao. Tama dagego homugo te tiabo koneama tama duga po wabo me, te bidibo kolesaga me te bugagia duga tonaluao.

Efesus 5:17

Tama dage te kolesaga meni yai we bidi tiwai biligio. Te menio. Dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Dwagi Yai Gesi Po Lukgo Asęani 4:18

“Genuai Bidigo Mobo Bidi ena dali bidibao. Agai dwagi yai po eno te nai meni yai we bidibolo ola momainu ena sa muai dao. Agai ena tama po pupusu bilimainu tagala palai dao, ‘Dage kalabus yali bage kalabus tagala piąo. Gedu widai bage, dage duga gedugo ma sueibao.’ Kalabus sęgo tabibo bage augwaligo sę togolomainu agai ena tagala palai dao.

Kolesaga Koneai Bidigo Pusali Po Elalubo Buku 1:13

Eno te e tǫde pedelali nai tigidalide homu kolesaga koneabo homu mu yali, tama eno te page hania mu bugagia dagala sigi da homu kone palali. Tiali goli, te sę Godigo dabolo mani te genuai sęgę mu elalubo dao.

Bugagia Bidibo Kolesagade Po Asęai Buku 18:1

Te abagi homu isiąbo bidigo, agai homu te agade digi naga elaluaibao. Te gasa bidi dabego te wiegi yai homu elalubo te tagalu, te bidigo te augwaligo ebo homuba wei eyu godolo me egobeo.

Godigo Nogi Ugwaba Sabo Tęąbi Po Wabo Buku Dabe 119:162

Eno te nago dąų wali pode homu dąų weyu, wiegi yai pemene homu umagi mu ebao, te bidi me deligo te gol mone hauwa sobaso, pemene ebo tiwai ebao.

Godigo Nogi Ugwaba Sabo Tęąbi Po Wabo Buku Dabe 119:148

Te hulide ena godege me pigobeo. Eno sesemane sogo nago poba naga homu kone elalubo dao.

Godigo Nogi Ugwaba Sabo Tęąbi Po Wabo Buku Dabe 119:19

Ena hauwa sogo e tǫde bidigobeo. Tama nago te bomo yai po ena dali dualigio.

Godigo Nogi Ugwaba Sabo Tęąbi Po Wabo Buku Dabe 119:71

Te wiegi yai mu da, te nago dene mabo sę enabolo yali. Te tiali sęgo nago bomo yai po wali pomainogo ena bugagia ola mawai dao.

Godigo Nogi Ugwaba Sabo Tęąbi Po Wabo Buku Dabe 119:32

Eno nago po polo wali painogo yaibao, magi basowe, nago dwagi yai kolesaga meba enabolo momainogo eno te homu ebo dao.