Godigo Nogi Ugwaba Sabo Tęąbi Po Wabo Buku Dabe 119:4 - Godigo dwagi yai po buku

⁴ Genuai Bidi, nago bomo yai po tigidali dabolo mayu, tama nago te po wai, da dua bugagia bidiyu, nago bomo yai po wali pabo dolo tama yao.

Godigo Nogi Ugwaba Sabo Tęąbi Po Wabo Buku Dabe 119:4 Referans Kwoze

1 Jon 5:3

Magi baso meni. Dago God dali dwagi yai homu eyu godolo ebo kolesaga page e dao: dago God agai bomo yai po wali pabo dao. Tama agai bomo yai po dabe augwali te bidigo wali pabo usu isąbo bomo yai po meni, te dago augwali wali pabo usu yaibao.

Dwagi Yai Gesi Po Jongo Asęani 14:21

“Bidigo eno bomo yai po selama, bugagia wali pabo da, te bidi agai ena godolo mu eyu ebao. Tama niwai bidigo ena godolo ebo bidi, te eno Ayago me te bidi godolo yaibao. Tama eno me aga dali dwagi yai homu eyu, godolo eyu, ena digi te ena agabolo hania ola mawaibao,” Jisasgo te po wai.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Jeremaia 7:23

Eno augwaliba te tiwai po me wali, ‘Dagego eno po wali asobaso da, te ena dagego God bidiyu, te dage eno hani we bidi bidaibao. Te eno dagebolo te wali pao po wabo kolesaga tigidali, te dagego wali piąo, tama te dage bugagia bidaibao.’

Dwagi Yai Gesi Po Jongo Asęani 14:15

Te Jisasgo te po wai, “Dagego enabolo dwagi yai homu eyu, godolo mu eyu da, teda dagego eno bomo yai po wali paibao.

Bomai Po 12:32

“Dagego eno dagebolo walali te sę dabe naga eyu yao. Te gasa bomai po ugwadu ma daganebo, me te bomai po me deli sela sąbo tagalao, te habu mu dao,” Mosesgo te po wai.

Josua 1:7

Tama tibaso, nage bomo mu elama dolaluyu, tama nage wi me isiąyu, tama habu bulu me pelamuo. Nago bugagia tonaluyu, tama eno sę bidi Mosesgo nagebolo mani bomai po tigidali mu wali pao. Nago te bomai po me badu dwasianu munu me tagalamuo. Nago te bomo yai po dabe tigidali bugagia wali peyu da, teda te nage mena badu pabo te nage munu me dolomainu me egobe, te nage bugagia naga bidaibao.

Bomai Po 30:16

Megi dagebolo eno po walobao, te dagego God mu godolo elama, tama agai po wali pelama, tama agai godolo ebo kolesaga dabe naga yao. Tama ebaso da, dage genuai we bidi pedalama, tama tigidali sogo dage bugagia mu bidaibao. Tama Genuai Bidi dago God agai dage megi te bidigi painogo ebo bulude dage dali wiegi yai sę mu ilaibao,” Mosesgo te po wali.

Bomai Po 11:22

“Dagego eno dagebolo obao te po tigidali wali piąo. Dagego God dago Genuai Bidi godolo mu iyąo, tama agai po tigidali bugagia wali piąo, tama dagego homugo agaba bugagia kęą peyu yao.

Bomai Po 6:17

Dagego agai dagebolo mani te bomai po dabe, me mena kolesaga wali pao wali po, te dolo mu wali piąo.

Bomai Po 4:1

Megi da, Mosesgo te we bidibolo te tama po walali, “Dagego eno megi dagebolo mabo po bugagia wali pobaso, tama dage bugagia bidiagameo. Tama dage duga wąį dabego God, Genuai Bidigo mawainu ebo tǫde bidiagameo, te dagebolo megi mabo tǫ dao.

Bomai Po 11:13

“Tama tibaso, dagego eno megi dagebolo e mabo te bomai po bugagia wali piąo. Dagego God dago Genuai Bidi godolo mu iyąo, tama dagego haligade, me homu kolesagade sese wiegi yai homu pemene mu agai sę eyu yao.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Ma Dobola Sali 7:6

Tama nosali Moses de Aron augwali sigo te Genuai Bidigo wali po wali pelama, te sę tigidali yai.

Bomai Po 6:3

Israel dabe, dagego bugagia odiąo, tama te bomai po bugagia wali piąo. Tama tiyu da, dagego tigidali sę dabe ebo wiegi yai mu pedalaibao, tama dage te bomai we bidi deli me pedalama, tama dage te wiegi yai tǫ ili elalubo te tǫde wiegila bidiagameo. God, dago wąį dabego Genuai Bidigo, te tama po dąų walalio,” Mosesgo te po pusai.

Esra 7:21

“Ena king Artaserksis, eno te bomai po te eno mone te wę Yufretis tǫ pedaide te eno mone tonalubo ofisa bidi dabebolo te po ola tolobao. Eno po e tiwai dao, ‘Te pris Esrago te bomai po te dagalu tonalubo Godigo po te skul bugagia mu elama konea pai bidi dao. Tama agai dageba te aga Godigo bede sę yabo magi nai me deli sabo po hanalu obaso da, teda polo tama te dagego aga maiąo.

Esekiel 20:19

Ena digi ena God, duga Genuai Bidi da, tama eno tigidali po, me eno bomo yai po dali bugagia wali pao,’ te po walio.