Godigo Nogi Ugwaba Sabo Tęąbi Po Wabo Buku Dabe 119:24 - Godigo dwagi yai po buku

²⁴ Eno sągą geselebo po nago enabolo mabo, te pode eno homu godolo mu ebao. Nago po ena sesemane sogo eno konemainogo ola mabo dao.

Godigo Nogi Ugwaba Sabo Tęąbi Po Wabo Buku Dabe 119:24 Referans Kwoze

Godigo Nogi Ugwaba Sabo Tęąbi Po Wabo Buku Dabe 119:92

Te eno nago bomo yai po godolo menigi sogo da, teda nago enaba dene mabo sę ebaso, te isigi dao.

Kolosi 3:16

Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.

Godigo Nogi Ugwaba Sabo Tęąbi Po Wabo Buku Dabe 119:16

Nago bomo yai po eno godolo mu ebao. Tama eno homugo te po gegeda peyu, tagalogobeo.

Josua 1:8

Nago te bomai po elalubo bukugo po munu me homugo gegeda pelamuo. Te nago bugagia tonaluyu, tama te bomai pode elalubo tigidali po mu wali pomainogo eyu, nago te giligade me, hulide me, nago te bomai pode bugagia skul elama, konea sao. Te nago tama tiyu da, te nago gasa sę tigidali ebo te wiegi yai naga ilaibao.

Godigo Nogi Ugwaba Sabo Tęąbi Po Wabo Buku Dabe 19:11

Nago bomo yai pogo naga sę bidi eno koneabo homu kolesaga mabo dao. Eno nago bomai po wali pobaso, tama nago ena dulalubo digi dwagi yai ilibo da.

Godigo Nogi Ugwaba Sabo Tęąbi Po Wabo Buku Dabe 119:162

Eno te nago dąų wali pode homu dąų weyu, wiegi yai pemene homu umagi mu ebao, te bidi me deligo te gol mone hauwa sobaso, pemene ebo tiwai ebao.

Godigo Nogi Ugwaba Sabo Tęąbi Po Wabo Buku Dabe 119:143

Te sęgę hauwa enaba pedelai, tiali goli, eno nago bomo yai pode homu pemene yaibao.

Godigo Nogi Ugwaba Sabo Tęąbi Po Wabo Buku Dabe 119:77

Nago ena megi hobede eyu da, te ena bidabo ula saibao, magi baso meni, eno nago bomo yai po godolo mu ebao.

Jeremaia 6:10

Tialima, eno tama po wei ponani, “Genuai Bidi, eno te nago po deba pusaibawe? Tama dego eno po odogowe? Augwaligo olo te mu palia sali. Augwali tego Godigo po odisąbo hani bage tiwai elama, te nago po odobo hagela homu ebao. Augwaligo homu nago po te augwali hale ilibo po dao, nago po te olo bage te dwai nai tiwai ebao. Augwaligo tede wiegi yai homu pemene me ebeo.

Aisaia 8:20

Te augwaligo te augwa Godiba pelama, tama agai homu kolesaga siyu, agai bomai po sigi peyu eyąo. Ma, augwaligo tama tisąma yali da, teda augwali hulia sai madi me bididuaibao. Tama wiegi yai sogo me sugobeo.

Jopgo Po Asęani Elalubo Buku 27:10

Tama te tobage bidi dabego dwagi yai homu elama, God Tigidali Bomo Elalubo Bidiba gedu haluasa po tigidali sogo waibawe? Mu meni,” wali.