Godigo Nogi Ugwaba Sabo Tęąbi Po Wabo Buku Dabe 119:2 - Godigo dwagi yai po buku

² Homu si isiąwai bidi dabe, augwali Godigo po tigidali wali pabo bidi dabe, augwaligo homu dwagi yai yao.

Godigo Nogi Ugwaba Sabo Tęąbi Po Wabo Buku Dabe 119:2 Referans Kwoze

Jeremaia 29:13

Te sogo te dagego homu kolesaga sesego, me dagego kolesagago te ena gegebo sę bomo mu eyu da, teda te dage ena pageba asobo usu yaibao.

Godigo Nogi Ugwaba Sabo Tęąbi Po Wabo Buku Dabe 119:10

Eno homu deli naga elalubao. Tama eno homugo nago sę yainogo ebo dao. Eno nago bomo yai po wali pabo tagalidali weyu, nago ena tau sao.

Bomai Po 4:29

Tama te sogo dagego homu hogodama, tama dagego duga dago God Genuai Bidiba ma asabo homu mu hogodaibao. Te dagego sese homugo me sese homu kolesagago aga gegabo homu yali da, teda dage aga pąba mu asiagameo.

Dwagi Yai Gesi Po Jongo Asęani 14:23

Jisasgo aga dali po wei ponoyu, te po wai, “Ena godolo mu ebo bidi, te bidi agai eno ola mabo po bugagia wali paibao. Tama eno Aya agai me te bidi godolo yaibao. Tama da si talua si aga dali bidagaselama, bidada peyu, bidada paibao.

Godigo Nogi Ugwaba Sabo Tęąbi Po Wabo Buku Dabe 25:10

Godigo te agai da dali dąų wali po, me bomai po te wali pabo we bidi tigidaliba te agai homu kęą peyu, godolo mu ebo dao. Tama agai homu me hasegeliyu me egobeo.

Esekiel 36:27

Tama eno dagebolo ena mobo bidi dagebolo mawaibao, tama aga dagego homude bidaibao. Tama eno dage homu hogodolama, tama dagego eno bomai po, me eno gasa po wali bugagia pomainu ilaibao.

Bugagia Bidibo Kolesagade Po Asęai Buku 23:26

Ogwao, nago eno po bugagia odolama, tama eno kolesaga suyu, wiegi yai pemene yao.

Bomai Po 6:17

Dagego agai dagebolo mani te bomai po dabe, me mena kolesaga wali pao wali po, te dolo mu wali piąo.

Tuni Bidi Dabego Po Elalubo Buku Si 31:21

Te king Hesekiago yali sę tigidali te Godigo tempel bede sę dabe tigidali ma hodolobo sę iyu, me Godigo bomai po me wali bugagia peyu yabo sę hodolali, Hesekiago aga homu kolesaga tomode Godigo homu kolesaga wali pabo homu bomo mu yali. Tama tiyu, agai ebo sę dabe tigidali wiegi yai mu pedelali.

Te Israel me Juda Hani Sigo Tuni Bidigo Po Elalubo Buku Deli 2:3

Tama nago te tigidali sę te God, dago Genuai Bidigo, te nagebolo yao po wali sę te yao. Nage te wiegi yai sunumidu bilao, te agai daba te tiwai tama sa muani, tama nago te bomai po tigidali wali peyu, tama aga po te Mosesba mani bomai pode te po elalubao. Tama te nage mena badu pedaide bidibaso da, te tagala, tama te Godigo nage tau siyu, te nago ebo sę tigidali te wiegi yai pedelaibao.

1 Jon 3:20

Magi baso meni. Dago homude te dena homugo da dali po tų ebaso da, teda dago koneani, te God agai dago homu kolesaga aiyaba elalubo dao, tama agai homu kolesaga genuai ugwanu mu ela holai elalubogo, tama agai tigidali nai mu konebo dao.

Godigo Nogi Ugwaba Sabo Tęąbi Po Wabo Buku Dabe 105:45

Agai tama tiwai, te Israel hani augwaligo agai tigidali bomo yai po wali pomainogo tiwai. Tama Genuai Bidi agai nogi ugwaba sao.

Bomai Po 6:5

Dagego God dago Genuai Bidi deli naga godolo mu iyąo. Dagego aga te duga haligade godolo eyu, me dagego homu kolesagade godolo eyu, me dagego bomogo dali mu aga godolo iyąo.

Godigo Nogi Ugwaba Sabo Tęąbi Po Wabo Buku Dabe 119:22

Augwaligo ena dali posobo po weyu, tama dwai po me weyu yai. Magi basowe, nago bomo yai po eno wali peyu, dwagi yai kolesaga ebaso, augwaligo dwai po ena dali wabo dao. Augwaligo ena dali te tiwai po ma waidalio, nago augwaligo te po wabo sula tagaligio.

Godigo Nogi Ugwaba Sabo Tęąbi Po Wabo Buku Dabe 119:146

Megi eno nageba i obao. Ena ma dobola sao, tama tibaso da, te eno nago bomo yai po tigidali wali paibao.

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

Godigo Nogi Ugwaba Sabo Tęąbi Po Wabo Buku Dabe 119:17

Naga sę bidi ena bugagia bidimainogo, nago dwagi yai sę ena dali emai homu ebao. Tama ena bidibo ula dali bidiyu, nago po eno wali paio.

Godigo Nogi Ugwaba Sabo Tęąbi Po Wabo Buku Dabe 119:33

Genuai Bidi, nago dwagi yai po ena bugagia ola mayu, tama tigidali sogo eno te po wali paio.

Godigo Nogi Ugwaba Sabo Tęąbi Po Wabo Buku Dabe 119:34

Nago te dwagi yai po enabolo hania bugagia ola mayu da, te eno wali paibao. Eno homugo ena hodolobaso da, te eno te dwagi yai po tigidali wali paibao.

Godigo Nogi Ugwaba Sabo Tęąbi Po Wabo Buku Dabe 119:57

Genuai Bidi, nage mu nage enade usu yaibao. Eno nagebolo po dąų olama weyu, tama wai, eno nago bomai po tigidali wali paibao.

Godigo Nogi Ugwaba Sabo Tęąbi Po Wabo Buku Dabe 119:69

Te dwai hagoma ebo bidi dabego tibo po hauwa enade te gasa we bidibolo weyu ebao. Tiali goli, eno gasa homu me isąyu, te eno nago bomai po naga tigidali wali pabo dao.

Godigo Nogi Ugwaba Sabo Tęąbi Po Wabo Buku Dabe 119:88

Nago ena bugagia tonalubao, magi baso meni, nago sesemane sogo ena godolo homu ebao. Tama tibaso, eno nago bomo yai po tigidali wali mu pabo dao.

Godigo Nogi Ugwaba Sabo Tęąbi Po Wabo Buku Dabe 119:101

Ena dwai kolesaga wali pabo homu eyu, iba kila sabo dao, magi baso meni, eno homugo nago po naga wali pabo homu ebo dao.

Godigo Nogi Ugwaba Sabo Tęąbi Po Wabo Buku Dabe 119:115

Dage dwai sęgę sabo we bidigo ena tagalao. Eno ena Godigo bomai po wali painogo homu ebo dao.