Godigo Nogi Ugwaba Sabo Tęąbi Po Wabo Buku Dabe 119:18 - Godigo dwagi yai po buku

¹⁸ Nago eno homu dwagi yai iliyu, tama nago dwagi dwagi yai bomo yai po tigidali eno bugagia koneaibao.

Godigo Nogi Ugwaba Sabo Tęąbi Po Wabo Buku Dabe 119:18 Referans Kwoze

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Aisaia 35:5

Tialima, te gedu widai bidi dabego gedu ma pedaibao, te olo degai bagego po ma odaibao.

Matyu 13:13

Tama tebo sęde eno te po digi po begelama augwalibolo obao: augwaligo gedugo da tonono bilibadi, tiali goli augwaligo magi nai me deli subo menio. Augwaligo olo mubadi, tiali goli augwaligo po me odisąyu tama kolesaga sabeo.

Aisaia 32:3

Tama megi e tibo sogo, te we bidi augwaligo gedugo tigidali nai dabe subo usu mu yaibao. Tama me augwaligo olo bugagia dala pelama, tama augwaligo tigidali po bugagia odaibao.

Aisaia 29:18

Tama te sogo da, te olo degai dabego te bidigo te bukude nedebo po augwaligo odaibao. Tama te gedu hwidai dabe megi augwali moni hulia sai madi bidibo, te bidi dabe augwaligo ma gedu peda paibao, tama nai dabe ma suaibao.

Dwagi Yai Gesi Po Jongo Asęani 9:39

Jisasgo te po wai, “Ena e tǫba asali, tǫde bidibo we bidi dagalai hagede asai. Te homu kolesaga tomode gedu halua sai bidi, gedugo ma sumainogo te ena asai. Me ma, we bidi meba augwaligo homu, ‘Ao, dago koneai dao, te da te gedugo subo bage dao,’ augwaligo te homu ebo dao. Tama tibaso, augwaligo Godigo homu koneidali weyu augwali gedu halua somainogo ena asai dao,” Jisasgo te po wai.

Matyu 16:17

Jisasgo po wei ponoyu, agabolo te po wai, “Saimon, Jongo ogwa, God agai nage dali wiegi yai sę mu yai dao, tama nage wiegi yai homu pemene yao. E tǫde bidi me deligo te po nagebolo me ola mabeo. Menio. Eno Aya dagalude bidibo bidi agai te po nagebolo ola mani dao.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

Hibru 8:5

Augwaligo pris sę te tǫde moni lotu bede ebo, te piksa noma naga ola mabo tiwai eyu, tama te wiegi yai sę mu da te dagalude elalubao. Te Godigo Mosesbolo wali po tiwai elama, te Mosesgo te polobadu lotu ugwa be sę yainogo ebo sogo tiwai po wai. Tama Godigo te po wai, “Nage dua dao, te nago te tigidali nai te eno nagebolo te bulu dude ola mani nai te noma tiwai mu usu nama nigao,” te po Mosesbolo wai dao.

Godigo Nogi Ugwaba Sabo Tęąbi Po Wabo Buku Dabe 119:96

Eno megi konebao, te mena nai te wiegi yai deli mu me elalubeo. Tialima, te nago po te mu polalubao, tama tego te tigidali nai usu elama, te tigidali side elalua pidu, elalueibao.

Hibru 10:1

Te Juda dabego ofa mabo bomai pode dago te nosali pedalabo dagalude elalubo wiegi yai nai dabe noma naga subao. Te bomai po da, te nai dabego te hania piksa noma mu menio. Te bomai pogo te po wai, augwaligo te deli tigi poai ofa naga te tigidali sogo yao wai, te tigidali kibu bede me te yao wai. Tama te ofa maiabo bomai pogo te we bidi augwali te God pąba asomainogo dodolobo te usu egobeo. Te bomai pogo augwali te wiegi yai mu munu me pedalogobeo.

Hosea 8:12

Eno augwalibolo te eno bomo yai po hauwa asęani. Tiali goli, augwaligo te bomo yai po suali, te gasa hanigo ebo tobage kolesaga naga yali, te augwaligo ena wali me asobeo,” wai.

Matyu 20:33

Tama te gedu widai bidi sigo agabolo te po wai, “Genuai bidio, da sigo homugo nago da si gedu ma pedalao,” wali.