“Odao, dage eno we bidi dabe dao. Dage bugagia bidimainu eyu, enaba asiąo. Te eno dage dali bomo yai po dąų walama, tama te dąų wali bomai po sesemane elalueibao. Te sesemane sogo eno dage godolo homu mu elama, te dageba wiegi yai sę yaibao. Te polobadu eno te bomo yai po te king Devitba dąų wali tiwai gilama yaibao wali.
Godigo Nogi Ugwaba Sabo Tęąbi Po Wabo Buku Dabe 119:175 - Godigo dwagi yai po buku175 Eno te nago nogi ugwaba somainogo, nago enaba te bidabo ula mao. Eno homugo te nago pogo ena tau somainogo homu ebaso. Gade chapit la |
Godigo Nogi Ugwaba Sabo Tęąbi Po Wabo Buku Dabe 119:175
12 Referans Kwoze
Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.
Tama eno te po wai, “Te ena te isai madiba pobaso da, teda te mena wiegi yai nai pedelaibawe? Te ena gų pageba pobaso da, teda tebogo de tau sogowe? Te isali bidi dabego nago nogi ugwaba somainu te homu eba, agawe? Te augwaligo nageba pusuyu, te nago sesemane sogo augwali wiegi yai bugagia ilibo da homu ebo po waiba, agawe? Menio.
Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.
Piblisite