Godigo Nogi Ugwaba Sabo Tęąbi Po Wabo Buku Dabe 119:136 - Godigo dwagi yai po buku

¹³⁶ Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Godigo Nogi Ugwaba Sabo Tęąbi Po Wabo Buku Dabe 119:136 Referans Kwoze

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Esekiel 9:4

tama agabolo te tama i walio, “Nage te Jerusalem taun pedai tigidaliba pelama, te augwa abagi dabego te taun tomode dwai kolesaga ebaso, te dwai haliga eyu, te moni homu ebo we bidi tigidalide nago te augwali gesabidide te dąį muna muna pao,” po walio.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Jeremaia 9:18

Tialima, te we bidi dabego te tiwai po wali, “Awe, te augwali polo asesą aselama, te daba hobede ebo tęąbi wagasomainao, te da gela umagia weyu, te dago gedude gela guai tulaluyu, te dago gesabidiba dulumainu yaibao,” te po wali.

Godigo Nogi Ugwaba Sabo Tęąbi Po Wabo Buku Dabe 119:158

Te bidi dabego konealubo homu dąų wali te eno suali sela sąbaso, te eno augwaliba wado po wabo dao, magi baso meni, augwaligo nago po wali pisąbaso tebo dao.

Godigo Nogi Ugwaba Sabo Tęąbi Po Wabo Buku Dabe 119:53

Eno suali, dwai bidi dabego nago dwagi yai po bolai, tama eno augwali dali wado po wabo dao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.

Dwagi Yai Gesi Po Lukgo Asęani 19:41

Te Jisas te Jerusalem moni be nani pąba asiyu, te be nani suyu, agai te be nanide bidibo we bidide homu dene eyu, gela wali.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Esra 10:1

Esra te Godigo be sunumi pąba pelama, tama aga digi te tǫba degasa dulama, tama aga gela weyu, tama te dwai sę yali sęgę sela sąbo po pusalio. Agai te tama tidubadi, tialima te genuai hani Israel we bidi wai puluba te aga pąba sisinagaselama, tama augwali me te dwai homu dene ebo gela mu walio.