Godigo Nogi Ugwaba Sabo Tęąbi Po Wabo Buku Dabe 119:101 - Godigo dwagi yai po buku

¹⁰¹ Ena dwai kolesaga wali pabo homu eyu, iba kila sabo dao, magi baso meni, eno homugo nago po naga wali pabo homu ebo dao.

Godigo Nogi Ugwaba Sabo Tęąbi Po Wabo Buku Dabe 119:101 Referans Kwoze

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Godigo Nogi Ugwaba Sabo Tęąbi Po Wabo Buku Dabe 119:104

Nago bomai pogo enabolo te wiegi yai homu kolesaga mawaibao, tama tialima, eno te dwai kolesaga tigidali ebo te eno homu hagela mu ebao.

Aisaia 53:6

Da tigidali te sipsip besela palama, bilibo tiwai yali, te da deli deligo te dena digi homu wali bilali. Tama tibaso, Genuai Bidigo daba te dene mabo sę yabo usu igi da, te dena yali dwai sęde wei ponainu yali, tiali goli aga te tama me tebeo. Menio. Te dena digi tolabo sęgę te agai aga sę bidiba te sęgę menama, tolomainu yai dao.”

Godigo Nogi Ugwaba Sabo Tęąbi Po Wabo Buku Dabe 18:23

Te magi dwai sę me deli isiąbo te agai koneani, tama eno te magi nai me delide magi sę me ebeo.

Jeremaia 2:36

Nago sunumi me deli wali pali, te polo tagalama, te nago gasa sunumi wali pobao. Te Isip dabego nage tau sisąbaso, te nage dwai hale siyu, te nage Asiria dabego tau sisąbaso, te sogo te dwai hale yali tiwai gilama yaibao.

Godigo Nogi Ugwaba Sabo Tęąbi Po Wabo Buku Dabe 119:126

Te we bidi dabe augwaligo nago bomo yai po bolobao. Tama tibaso, megi da te nago dene augwaliba mabo sogo dao.

Godigo Nogi Ugwaba Sabo Tęąbi Po Wabo Buku Dabe 119:2

Homu si isiąwai bidi dabe, augwali Godigo po tigidali wali pabo bidi dabe, augwaligo homu dwagi yai yao.