Godigo Nogi Ugwaba Sabo Tęąbi Po Wabo Buku Dabe 115:13 - Godigo dwagi yai po buku13 Genuai Bidigo te agade wi ebo we bidi bugagia wiegi yai ilaibao, te nogi yai we bidi, me te nogi meni yai we bidi dabeba, te tama tiwai sę yaibao. Gade chapit la |
Tama nago po konesiąbo haniani tǫde bidibo bage augwali sębę mu yai. Tiali goli megi nago sębę yabo sogo te pedelalio. Tama megi te isali we bidi augwali te po tų eboba pedalobo sogo dao. Tama megi e sogo naga sę ebo bidi dabe, te nago nosali yabo sę po pusali bidi, augwalibolo te wiegi yai nai mabo sogo pedalai dao. Tama nago we bidi tigidali, te nogi yai bidi me, te nogi meni yai bidi, tigidali nagede wi eyu nago bomo dologode bidibo we bidi, te megi da te nago augwalibolo me te wiegi yai nai mabo sogo pedalai dao,” augwaligo te po wai.
“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.
Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.
Tiali goli, Godigo tigidali sogo agai ena tau sesa aselama, te megi eba sabolalio. Tialima, megi eno e po tųde mu po tigidali we bidi me, te tobolu bidi me, te olo bidibolo me, obao. Te Godigo pedauwalide po selama pusali bidigo asęani po me, te Mosesgo pusali po me, te eno megi e pusubo po me te deli po tama dao. Augwaligo te pusali po tiwai eno ela pelama, gasa pobadi me pusubeo.
Tama Godigo tama tibaso, megi aga gedude te we bidi haniani tedali elalubo menio. Te Juda hani isąwai hani dali Juda bidi hani te si tedali gasagi yai meni. Te tigiwali togolama sa elalubo bage dali, te tigiwali togisiąbo bage dali, agai gedude te tedali gasagi yai me menio. Te bulu tomode mu bidibo bidi dabe dali, te bulu yowi tiwai bidibo bage me, te augwaligo sęde dąų olama masigi sisąbo sę ebo bage me, te olo bugagia bidibo we bidi me, Godigo gedude augwali tedali tedali gasagi gasagi yai meni. Te magigo meni. Krais aga digi naga te genuai dao, tama aga te aga we bidi tigidali deli deli tomode bidibao.