Godigo Nogi Ugwaba Sabo Tęąbi Po Wabo Buku Dabe 114:2 - Godigo dwagi yai po buku

² Te augwaligo tama tiali sogo, te Juda te Genuai Bidigo tedali gasagi yai hani bage pedaliyu, te Israel dabe me tama tiali.

Godigo Nogi Ugwaba Sabo Tęąbi Po Wabo Buku Dabe 114:2 Referans Kwoze

Ma Dobola Sali 25:8

Tama te we bidi augwalibolo te po olama, tama te ofa mani naigo augwaligo te eno ugwa be me deli sęnama, te wiegi yai tedali bede ena augwali dali tomode bidaibao.

Ma Dobola Sali 15:17

Tama nago da odasa asiyu, te da naga bulu dude bugagia dualama bidimainogo yaibao. Tede te naga digi naga be sęwai dao, te bulu nago nogogo digi bugagia dodolama muai dao.

Ma Dobola Sali 6:7

Te dage selama, tama dage ena we bidi mu pedelama, tama ena te dagego God bidaibao. Nosali dage te Isip bagego kalabus sęde bidali tagalama, tama dage olo mu bidaibao. Tama te sogo dagego mu koneyu, ena te Genuai Bidi da weyu, tama ena dagego God da, te homu yaibao.

Bomai Po 27:9

Tama tialima, Moses te Livai hani pris bidi dabe dali augwali doligulama, te Israel dabebolo te po walali, “Dage tigidaligo odiąo. Olo bugagia eno po waboba muao. Megi da, dage Genuai Bidi dago Godigo we bidi mu te pedelali dao.

Bomai Po 23:14

Genuai Bidi dago God tigidali sogo dage dali te kem nigilama bidibo pesagede bidaibao. Te dagego te boi bidi aiyaba elalumainogo tau siyu bidaibao. Tama tiyu, dage bidibo pesage agai gedude wiegi yai mu elalumainao, te tigidali sogo. Dagego Godigo gedude meda yai sę me deli elamo dao. Tiyu, Genuai Bidigo dageba tudi ola maiabuo,” wali.

Pris Sę Ebo Bomai Po 11:45

Ena Genuai Bidigo, eno dage te Isipde selama, odasa asali, te ena dagego God bidainogo yali. Tialima, dage te tedali gasagi yai mu bidu, te wiegi yai doloba pai kolesaga naga wali piyąo, magi baso meni, ena digi ena te tedali gasagi yai mu bidiyu, te eno kolesaga wiegi yai doloba pai mu elalubo dao,” wali.

Kraisgo Geme Dualali Sę Pedelabo Po Jonbolo Ola Mani 21:3

Tama eno odali, po me deli te tuni bidi dulalubo digi pedauwalidu pedalama, tama i bomonama e tama wai, “Odao! Megi te God agai bidibo digi te bidi dabe augwali dali elalubao. Tama aga augwali tomode bidiyu, tama augwali agai we bidi bideibao. Awe, God aga digi te augwali dali bideibao.

Bomai Po 27:12

“Dage Jordan wę nogelama, nosali te Godigo dage tigidali te wiegi yai ilabo po odainogo dage hani we bidi meba pelama, te Gerisim bulu duba dolalugi piąo. Te da, te Simeon hani, me Livai hani, me Juda hani, me Isakar hani, me Josep hani, Benjamin hani, tama tiao.

Bomai Po 7:6

Dagego tama tiao. Magi baso meni, dage da God dago Genuai Bidi aga we bidi dao. Te tigidali tǫde we bidi hani tomode agai dage deli naga sa munama, dage agai doloba pai we bidi dao,” wali.