Godigo Nogi Ugwaba Sabo Tęąbi Po Wabo Buku Dabe 113:2 - Godigo dwagi yai po buku

² Da tigidaligo te wiegi yai pemene te Genuai Bidigo nogide yao, megi, me tigidali bidada pabo sogo nosali, te tama tiao.

Godigo Nogi Ugwaba Sabo Tęąbi Po Wabo Buku Dabe 113:2 Referans Kwoze

Daniel 2:20

tama te tiwai po wai, “God, eno nago nogi sesemane sogo ugwaba saibao. Tigidali bomo me koneani kolesaga te nagede naga elalubao.

Kraisgo Geme Dualali Sę Pedelabo Po Jonbolo Ola Mani 5:13

Tama tiyu, te Godigo nigali nai tigidaligo wabo po eno odali, te dagalude bidibo naigo me, te tǫde bidibo naigo me, tama te tǫ aiyadu dologode bidibo nai me, te tamu ąįde bidibo, te nai dabe tigidaligo te po wabo odai. Awe, te tigidali bulude bidibo Godigo nigali naigo po eno odali, augwaligo e po wai, “God aga te wiegi yai duabo naide tuni bidi dulalubao, tama te kibu sipsip wai me, augwali sigo nogi dago ugwaba sao, augwali sibolo genuai nogi mu mao, te ula yai bomo me mao, te genuai bomo me dago mao, tama sesemane sogo bidada pabo te usu mu yaibao.”

Godigo Nogi Ugwaba Sabo Tęąbi Po Wabo Buku Dabe 41:13

Dago te Genuai Bidi nogi ugwaba sao, aga te da Israel dabego God dao. Tama te nosali pedalubo hani augwa te tama naga tiaibao. Te mu dao.

Tuni Bidi Dabego Po Elalubo Buku Deli 16:36

Dago God nogi ugwaba sinao, Israelgo Genuai Bidi da, megi me tigidali sogo nosali, me bidada peyu bidada paiba.” Te Asapgo hani augwaligo te tęąbi po ola silama da, teda te we bidi augwaligo te po wali, “Mu dao, te sę mu pedalumainao. Te Genuai Bidigo nogi ugwanu sao,” wali.

Efesus 3:21

Te dwasianu sę menio. Tama tibaso, da God agai po wali pabo we bidi, da Krais Jisasde wadolai we bidi hani dago Godigo genuai wiegi yai nogi ugwaba siyu, te tigidali bidada pabo sogode me, te tigidali sogo te tiwai wiegi yai kolesaga me mu ela pidubadi geao. Te tebo kolesaga me tagaligio. Te mu po dao.

Godigo Nogi Ugwaba Sabo Tęąbi Po Wabo Buku Dabe 106:48

Dago te Genuai Bidigo nogi ugwaba sao, te da Israel dabego God, megi, me tigidali sogo nosali. Tama tigidali we bidigo te po waiyąo, “Mu dao,” wao. Genuai Bidi nogi ugwaba sao po wao.

Godigo Nogi Ugwaba Sabo Tęąbi Po Wabo Buku Dabe 115:18

Tiali goli, da bidibo bagego digi, teda te Genuai Bidiba usu da po wabo, te megi me nosali waiyąo. Te Genuai Bidigo nogi ugwaba sao.