Godigo Nogi Ugwaba Sabo Tęąbi Po Wabo Buku Dabe 112:9 - Godigo dwagi yai po buku

⁹ Agai nai hauwa nai meni yai bidi dabe augwali mabo dao. Agai dwagi yai kolesaga sesemane sogo ebo dao. Tama agai genuai nogi agai bulude elaluaibao, tama augwaligo aga nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 112:9 Referans Kwoze

Godigo Nogi Ugwaba Sabo Tęąbi Po Wabo Buku Dabe 75:10

Te Godigo te dwai sę ebo bidi dabego bomo silimainu yaibao, tiali goli, agai te doloba pai bidi dabebolo te genuai bomo mu mawaibao.

Hibru 13:16

Tama dagego duga hasi te we bidi augwalibolo wiegi yai kolesaga ebo te dagego homugo gegeda pelamuo. Tama tiyu dagede elalubo doado bage, te dagego te nai meni yai we bidiba dobayu, te augwali tau sao. Godigo te tiwai ofa ebode dwagi yai homu mu ebo dao.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

2 Timoti 6:18

Nago te augwalibolo te po weyu, tama e po me wao, “Dagego te we bidi tau sabo dwagi yai kolesaga haniani yao, dwagi yai sę umabo yao, te sesemane sogo dagego doado bage te gasa bidi dabebolo olo mayu, tama te nai dobabo bidi kolesaga bugagia yao,” te po bomo elama augwalibolo wao.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.

Kraisgo Geme Dualali Sę Pedelabo Po Jonbolo Ola Mani 22:11

Tama te dwai kolesaga ebo bidi agai te dwai kolesaga mę ela pomainao. Bidigo dwai meda yai kolesaga ebo, te bidi agai te meda yai kolesaga mę ela pomainao. Tama te wiegi yai doloba pai kolesaga ebo te bidi, agai te wiegi yai doloba pai kolesaga mę ela pomainao. Tama magi sę me isiąma olo mu bidibo bidi, te bidi aga te sę me isiąma aga olo mu mę bidimainao,” te ensel mobo bidigo te po wai.

Godigo Sęba Tagala Palai Bidigo Po 20:35

Tubo nai sabo sę ebo kolesaga eno dagebolo ola manio. Dago te sę bomo elama, te gasi yai we bidi tigidali sogo tau sogųǫ. Te tobage sę ebo kolesaga polobadu Jisasgo dabolo ola mawai dao, te po wai, ‘Bidi mego gasa bidi nai olo mabo, te agai moni bugai homu ebo. Te nai sabo bidigo agai dwagi yai homugo te tau sabo bidi aiyaba elalubeo.’ Tama dagego Genuai Bidi Jisasgo te wali po deli naga konealuao, homugo tagalamuo,” Pol agai te po wai.

Aisaia 58:10

te dagego suali, te bidi dabe te doado bage me nai dabe sǫą pai elalubo subaso, te dagego augwali homu dene mu elama, te augwali sǫą pali nai mobaso da, teda eno dage wiegi yai bugagia ilaibao. Te eno dageba wiegi yai sogo pedalumainu elama, te bomo yai giliga ula tiwai eyu, te be hulialuali hola sabo tiwai ebo dao.

Aisaia 58:7

Eno godolo homu ebo kolesaga e tiwai dao. Eno homugo dagego te nasi ebo bidi dabeba nai mao homu ebao. Te magi nai doado bage meni yai bidi te dagego aga piabo be meni yai subo sogo, eno homugo dagego augwali te duga beba odasa pao homu ebao. Te dagego te bidi aga tigi bea sabo ugwa meni yai subaso, te eno homugo dagego augwaliba ugwa maiąo homu yali. Tama eno homugo te duga deli kaneme sibi te augwa sęgę elalubo sogo, te augwali tudiba munamo dao.”

Kolesaga Koneai Bidigo Pusali Po Elalubo Buku 11:6

Nago te nai wai hani te kigamu meba wasilama buliyu, te pio meba wasilama buliyu yao. Nago konesiąwaibao, te nago kigamu wasilama bulali nai wai, ma te pio naga bulali nai wai bugagia holobowe, ma te nani si dali bugagia holobo, te konegobeo.

Godigo Nogi Ugwaba Sabo Tęąbi Po Wabo Buku Dabe 92:10

Nago enaba genuai bomo mawai, te uni bulmakau omaigo bomo tiwai mawai. Nago enaba wiegi yai sę ebaso, tama ena wiegi yai pemene mu ebo dao.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Dwagi Yai Gesi Po Jongo Asęani 13:29

Judas agai augwaligo masigi bubo honoli tonalubo bidi dao. Tama tibaso, mebago te homu yai, Jisasgo Judasbolo olo bidibo side tubo nai abelabo po agabolo wabo, te homu yai. Mebago te nai meni yai bidi dabe maiabo nai po wabo, te homu yai.

Dwagi Yai Gesi Po Lukgo Asęani 16:9

Te po olama, Jisasgo po me maneyu, te po wali, “Te eno dagebolo e po obao, te sibage me doado bage me, me sogo te naigo we bidi te dwai kolesaga tomoba kekebo dao. Tiali goli, duga doado bagego we bidi bugagia tau siyu, abagi hauwa nigiliyu, bidao. Tama te tiwai elama, tama nosali te doado bage sia sobaso da, Godigo dage pageyu, ‘Eno bidibo madi tomoba asia,’ waibao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Dwagi Yai Gesi Po Makgo Asęani 14:7

Sesemane sogo te doado bage meni yai bidi dabe te augwali dage dali bididuaibao. Tigidali sogo dagego augwali tau siduabo homu idubaso da, teda tų elaluaibao. Tiali goli te ena da, te dage dali sesemane sogo me bidigobeo.

Bugagia Bidibo Kolesagade Po Asęai Buku 19:17

Te magi nai doado bage meni yai bidiba nago te olo tau sabo wiegi yai kolesaga eyu, tama te doado bage mobaso da, te Genuai Bidigo negeli nageba ilibo tiwai ebao, tama nosali Genuai Bidigo nageba wei ponaibao.

Godigo Nogi Ugwaba Sabo Tęąbi Po Wabo Buku Dabe 112:3

Agai we wai augwaligo mone dali nai hauwa siyu, tama augwali bugagia sesemane sogo bidaibao.

1 Samuel 2:30

Ena God, te dage Israel dabego Genuai Bidi, polobadu eno po nago wąį nǫų Aron dali po dąų walali, tama aga hani dali me, te augwali hani sesemane te pris sę iduaibao wai. Tiali goli, megi eno te dąų walali po hasegelaibao. Megi eno te tiwai po obao, te eno nogi ugwaba sabo bidi da, teda eno agaba genuai nogi mawaibao. Tama ena dali hagoma homu ebo bidi da, teda eno aga aiyaba mu elalueibao.”

1 Samuel 2:1

Tama Hanago God dali te tiwai po wai, “Genuai Bidi, nago ena wiegi yai homu pemene umabo emainu ilali. Tama nago te genuai nogi enabolo mani, te eno homu wiegi yai pemene mu ebao. Tama eno te ena boi bidi dabede te gisugu dwai mu mobao. God, nago ena tau sali, tama eno haliga bugagia mu ebao.

Bomai Po 24:13

Dagego aga pageba ma giliga dega sabode sela pao. Teda aga pibo sogo banua pimainao, te pibo sogo. Tama tiyu da, te bidigo dagebolo agai buba hwi po waibao, tama me Genuai Bidi dago God agai dagego kolesaga godolo mu yaibao,” wali.

Bomai Po 15:11

Tigidali sogo dage Israel dabe meba te nai dabe sǫą peyu bidaibao. Tama tibaso, eno dagebolo te po te wabao, dagego augwali hobede elama, tama augwaligo habuge yali nai dabe tau sao, tama augwali dali wiegi yai sę yao,” Mosesgo te po wai.

Godigo Sęba Tagala Palai Bidigo Po 4:35

Abelagaselama, page bidi dabego te masigi selama, te Jisasgo tagala palai bidi dabebolo mani. Augwaligo selama, te nai meni yai we bidi tigidalibolo dobayali.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Dwagi Yai Gesi Po Lukgo Asęani 11:41

Tiali goli, te duga munalubo pou dabe, kap dabe tomode munalubo nai dabe te nai meni yai bidi dabebolo menama, dagego te tiwai kolesaga eyu da, te dage magi dwai meda meni yai wiegi yai mu ma yaibao.

Matyu 6:4

Tama tiyu da, nago augwalibolo nai mabo sę te geme dulaluao. Tama nago Ayago te nago geme dulalubo sę dabe subo dao, tama agai te wiegi yai nai wei nagebolo ponaibao,” Jisasgo te po wai.

Aisaia 32:8

Tiali goli, bidi wiegi yai dabe augwali genuai nogi elaluaibao. Te tigidali sogo augwaligo doloba pai kolesaga naga ebo dao, tama augwaligo wiegi yai kolesaga naga yabo homu bomo ebo dao.

Bomai Po 15:14

Dagego Genuai Bidigo dagebolo mani te nai dabe meba, te sipsip, me wit, me wain dabe, tama selama aga mao.

Godigo Nogi Ugwaba Sabo Tęąbi Po Wabo Buku Dabe 92:11

Eno te ena boi bidi dabe dolobo sulama, tama eno te dwai bidi dabego gela wabo odali.

Godigo Nogi Ugwaba Sabo Tęąbi Po Wabo Buku Dabe 111:3

Tigidali sę agai ebo te aga genuai nogi pedalumainu yai, tama te wiegi yai mu yali. Te agai doloba pai kolesaga te sesemane elalua pidu, elalua pabo dao.

Bugagia Bidibo Kolesagade Po Asęai Buku 14:24

Te wiegi yai homu elalubo bidigo sali mone me doado bage, tego da ola mobao, augwali dwagi yai homu kolesaga elalubao. Tiali goli, te wiegi yai homu kolesaga elalusiąbo bidi dabe, augwaligo te umuna sai homu kolesaga naga elalubo dao.

Bugagia Bidibo Kolesagade Po Asęai Buku 21:26

Agai te tobage nai dabe te sesemane aga sabo homu eyu, bidibao. Tiali digi, te sę bomonama yali doloba pai bidi agai te doado bage hauwa te nai meni yai bidi dabeba mobaso, te usu dao.

Kolesaga Koneai Bidigo Pusali Po Elalubo Buku 3:6

Agai te nai hagawai gegabo sogo bodolu muyu, te hagawai nai tagalabo sogo bodolu muyu yali. Agai te nai doado bage bugagia muabo sogo bodolu mubadi, te nai dabe sela sąbo sogo bodolu muai dao.