Godigo Nogi Ugwaba Sabo Tęąbi Po Wabo Buku Dabe 112:7 - Godigo dwagi yai po buku

⁷ Agai te sęgę pedelabo po odolama, aga wi homu me egobeo. Agai Genuai Bidi dali konealubo po bomo elama, dąų wabo dao.

Godigo Nogi Ugwaba Sabo Tęąbi Po Wabo Buku Dabe 112:7 Referans Kwoze

Godigo Nogi Ugwaba Sabo Tęąbi Po Wabo Buku Dabe 57:7

God, te eno haligade da, eno konealubo homu nageba dąų wali. Awe, eno konealubo homu nageba mu mubao. Tama tibaso, te eno nago nogi ugwaba sabo tęąbi po waibao.

Bugagia Bidibo Kolesagade Po Asęai Buku 1:33

Tiali goli, te eno poba olo bugagia mubo we bidi da, te augwali bugagia bidaibao. Tama augwa te sęgę me wi me isąwaibao, magi baso meni, augwa koneani, te dwai nai augwaliba me pedalugobe da homu ebo dao,” te wiegi yai homu kolesaga da, te tobage po wabo we me deli tiwai dao.

Godigo Nogi Ugwaba Sabo Tęąbi Po Wabo Buku Dabe 118:6

Genuai Bidi ena dali bidibaso, tama ena wi me egobeo. Te bidi dabego enaba magi sę deli me yainu usu egobeo.

Dwagi Yai Gesi Po Jongo Asęani 14:1

Te bidi Jisasgo aga bidi dabebolo te po me wai, “Dagego homu kolesaga midigi sigio. Dagego duga homu God dali dąų wabo dao. Dagego ena dali me duga homu dąų wao.

Godigo Nogi Ugwaba Sabo Tęąbi Po Wabo Buku Dabe 64:10

Te tigidali doloba pai we bidi augwaligo te Genuai Bidigo yali sęde wiegi yai pemene yaibao, tama augwali agaba pelama, te dwai sęde geme wi duala sigi paibao. Tama te tigidali doloba pai we bidi augwaligo te Genuai Bidigo nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 34:4

Eno te Genuai Bidiba usu da weyu, te ena tau somainu gedu haluasa po wali, tama agai eno gedu haluasa po wabo odali. Agai te eno homude wi ebo tigidali sela sąnama, tama megi da, ena haliga nagame yai bidibao.

Daniel 3:16

Tialima, Satrak, me Mesak, me Abetnego, te bagego te po wali, “King, te nago da selade yainu ebo sęde te dago magi po me menio.

Godigo Nogi Ugwaba Sabo Tęąbi Po Wabo Buku Dabe 62:8

Eno hani dabe, sesemane sogo dagego te Godiba konealubo homu dąų waiyąo. Dagego te duga tigidali sęgę me, te tigidali homu te agaba pusao, awe, bidigo te wę gelibo tiwai eyu yao. Magi baso meni, da te agaba pelama, bugagia bidainu te tama tiao.

Godigo Sęba Tagala Palai Bidigo Po 27:25

Tama tilama, abagi, dage noma sigio. Magu menio. Eno homu Godiba mubaso, agai dwagi yai kolesaga dabolo yaibao, tama agai dagalude sę ebo ensel bidigo enabolo te tiwai po wai dao.

Dwagi Yai Gesi Po Lukgo Asęani 21:9

Dagego odoyu da moni wąbi hwįbo po odobo si, teda dage didibili egio. Ma, bidi dabe augwaligo te gavman sela sąwai hagede wąbi hwįbo po odobo si, te dage didibili egio. Te sę polo hasia pedaliyu polo yaibao. Tiali goli, te si polo siligobeo, tigidali nai silabo si polo asogobeo,” Jisasgo te po wai.

Dwagi Yai Gesi Po Lukgo Asęani 21:19

Dage bomo elama, bidao. Nono esisąbaso, dagego mu bidabo sogo nosali saibao,” Jisasgo te po wai.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Jopgo Po Asęani Elalubo Buku 11:15

Tama nago dwai sę yai da wida, teda nago dwai sę meni yai po olama, tama naga bugai homu elama, bidaibao. Tama naga bomo elama, magi naide wi me elama bidigobeo.