Godigo Nogi Ugwaba Sabo Tęąbi Po Wabo Buku Dabe 110:4 - Godigo dwagi yai po buku

⁴ Yawe Genuai Bidigo nageba po dąų waliyu, te tiwai wali, “Nage te pris sesemane bidada peyu, bidada pagameo,” wali. “Nage te pris Melkisedek tobage tiwai dao.” Genuai Bidigo te mu po naga weyu, tama agai te aga po me hasegeligobeo.

Godigo Nogi Ugwaba Sabo Tęąbi Po Wabo Buku Dabe 110:4 Referans Kwoze

Hibru 7:17

Magi baso meni. Godigo po agade e tiwai po wai, “Nage pris bidi sesemane sogo bidada paibao, te polobadu bidali pris bidi Melkisedek tiwai yaibao,” te po wai.

Hibru 5:6

Te Godigo po buku tomode te gasa badu me agai te po wai, “Nage pris bidi sesemane sogo bidada paibao, te polobadu bidali pris bidi Melkisedek tiwai yaibao.”

Hibru 7:21

Tiali goli Godigo mu po da po wabogo te Jisas te pris bidi nigilali. Godigo agabolo te po wai, “Ena da Genuai Bidi dao, tama eno mu po da po wai, tama tede eno homu me hasegelegobeo, ‘Nage te pris bidi sę eyu, sesemane sogo bidada peyu, bidada paibao.’”

Tigidali Nai Gagalama Nigali Side 14:18

Tama Melkisedek, te Salem hanu tuni bidi tama God Ugwadu Mu Bidibo Bidi ofa mabo pris bidi da, te agai giguai nai bret me wain ąį Abrambolo selasa asali.

Hibru 7:28

Tama te Godigo Mosesbolo mani bomo yai pogo te bomo meni yai bidi augwali sa munama, tama augwali te polalubo pris sę ebo bidi bidai. Tiali goli nosali te bomo yai po aiyaba elaluyu, Godigo agai dąų wali pogo aga Ogwa te polalubo pris bidi sę emainogo eyu aga sa muani. Tama te sę bugagia dąų omainogo eyu, Godigo te mu po obao olama tama te sę yao wai. Tama tiyu, aga Ogwa te agabolo mani sę ebode te usu sese mu pedalai dao, sę me delide aga sǫą me pabeo. Tama sesemane sogo aga te tiwai naga tama bidada peyu, bidada paibao.

Hibru 7:11

Te Livai hani bidi dabe augwaligo te pris bidi sę ebo kolesaga, te kolesaga Godigo Mosesgo pedauwalidu te sę yao wali. Tama te pris bidi sę ebo kolesaga elaluyu, tama Godigo te Israel dabebolo agai bomo yai po hauwa mawai dao. Tiali goli, te Livai dabe augwaligo pris sę yaligo te we bidi augwali usu ilama tama wiegi yai mu pedaligi sogo da, teda te gasagi yai pris, aga te Melkisedek tiwai elama, tama aga te bidi Aron aga hani bidi meni, aga te Livai bidi meni, te tobage gasagi yai pris bidi aga pedaligi meni da. Tiali goli aga pedalama bidibao.

Hibru 6:20

Tama da tobade Jisas aga digi polasa peyu, te be habu tomoba pali, te da tau sainogo yali. Aga te genuai pris tobolu bidi pedalali, te bidi Melkisedek tiwai pedalali, tama aga sesemane sogo bidada peyu, bidada paibao.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Kraisgo Geme Dualali Sę Pedelabo Po Jonbolo Ola Mani 1:6

Tama tiyu, agai da tau selama, tama dabolo genuai sę menama, tama da te tuni bidi kingo pris hani bidi dabe nigilama, tama megi da te Jisas aga Aya Godibolo me te lotu po weyu, sesemane sogo aga sę ebo pris bidi dabe bidibao. Tama tibaso, eno homugo agai genuai wiegi yai nogi dali, te we bidi tonalubo bomo dali me bidada peyu, bidada pomainao. Te mu tama dao.

Sekaraia 6:13

Agai digi eno be sęnama, tama aga genuai nogi mu elaluaibao, te kingo nogi tiwai mu elaluaibao. Tama agai aga we bidi tonaluaibao. Tama te pris aga sia kingde dualaluaibao. Tama agai te prisgo yabo sęde dali te kingo yabo sęde dali si homu nagame elama bidiyu, te sę si bugagia mu yaibao,’ te po Josaiabolo pusao,” Genuai Bidigo enabolo te po wali.

Godigo Nogi Ugwaba Sabo Tęąbi Po Wabo Buku Dabe 132:11

Polobadu nago Devitba bomai po me deli dąų walali, tama nago te naga po me hasegeligobeo. Nago te tama po wai, “Te eno nago ogwa me deli te king pedalumainu yaibao,” wali, “tama agai te nage hasegelaibao.