Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 11:4 - Godigo dwagi yai po buku

4 Genuai Bidi God aga dwagi yai bede bidibo. Tama aga dagalude genuai tuni bidi bidiyu, tama agai gedugo tigidali bidi subo dao. Tama augwaligo tigidali sę ebo agai osola subo dao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 11:4
28 Referans Kwoze  

Genuai Bidi dagalude tuni bidi bidiyu, tama aga tigidali nai tonalubo bidi dao.


Ena haliga sęgę dwai ebaso, tama eno Godiba i wai. Eno gedu haluasa po te ena Godiba weyu, te agai ena tau somainu yai. Aga te aga wiegi yai be mude bidiyu, tama eno po odali. Te eno gedu haluasa po wabo te agai oloba pedelali.


God Genuai Bidi te dagalude dulalu, aga gisugu mayu, tama agai augwaliba posobo po obao.


Tiali goli, Genuai Bidigo te tiwai egobeo. Aga te aga be tomode bidibao, tama dage tigidali tǫde we bidi, dage aga pąba aselama, te dage pedauwali pania selama, bidao.


Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?


Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.


God te dagalude bidu, tama aiyaba tonalubao. Agai te tigidali tǫde we bidi subo dao.


Tama polo mu, te Godigo Mobo Bidigo ena tigiba dagana sagaselama, tama dagalude eno te tuni bidi duabo nai sia sai elalubo suai, tama bidi me deli te duabo nai sia saide dulaluai.


Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.


Tama te bidi mu dwai bidi mu dao. Tǫde we bidi augwaligo haniani naibolo lotu po wabo dao. Tama te bidi agai te nai tigidali dali boi bidi elama, tama te bidi aga God tiwai mu yaibao. Tama te bidi aga digi aga nogi ugwaba mu siyu, te tigidali lotu po wabo nai aiyaba elalu dolama, tama te bidi aga Godigo Moni Lotu Be tempel tomode bidiyu, tama agai po weyu te po waibao, “Ena digi ena God dao,” te bomo yai po sela sąbo bidi agai te po waibao.


Tama bidigo te Moni Lotu Be tempel nogi ilama, mu po da obaso da, teda aga po me te tempel be dali, te tempel bede bidibo bidi God dali, te side te po dąų walobao.


Tiali goli megi eno e po dagebolo obao: dagego te duga nosali yabo sęde po weyu, tama we bidi augwaligo te mu po dao homu emainogo dagego te po dąų wabo po munu me wagio. Mu menio. Dagego po me deli dąų waliyu, dagalu me nogi ilamuo. Magi basowe, dagalu da, te God dulalubo sia sai dao.


Agai te genuai bomo elalu, tama aga te king sesemane bidada peyu, bidada pobao. Tama agai te we bidi hani tigidaligo ebo sę tigidali te bugagia subao. Tama tiyu, te meba hanigo te Godide hagoma yabuo.


Tigidali sogo Genuai Bidigo aga dologode elalubo bidi dabe naga bugagia tonalubo dao. Augwali menade tǫ dabede bidibo me tagala. Agai augwali tau selama augwali bomo ilibo dao. Tiali goli nago Siria king bidibolo nage tau somainogo hanalu wali da, teda te dwai kolesaga mu dao. Tama tialima nage dali te Juda dabe dage bugagia dua me bidigobeo, menio. Tigidali sogo boi bidi dabego dage dali boi hwįagasiyu yaibao,” wali.


‘Ena te genuai bede bidibeo. Menio. Eno te Israel dabe te Isipde ma selama odasa asali sogo, ena te sel ugwa bede naga bidali. Te tigidali badu ena peyu asu yali, ena te sel ugwa bede naga bidai dao.


‘Te Godigo te po wai, “Te eno tigidali bulu tonalubaso, te dagalu da, te eno dugulalubo ni nami sia tiwai dao, te tǫ da eno sągągo diąnalubo ni nami tiwai dao. Dagego magi be enabolo sę yaibawe? Ena dulalu toma tuabo be menawe?


Genuai Bidigo te tigidali we bidigo ebo sę te tigidali habu badu pedalubo te subo dao. Agai te wiegi yai bidi me, dwai bidi me, subo dao.


Genuai Bidi aga bulu mu tagalama, tama aga daba asaibao. Tialima, da tigidali tǫ pedaide bidibo we bidi pedauwali pani selama tama tonaluinao.


Ena Genuai Bidi, eno te tigidali bidigo homude me haligade ebo kolesaga osola sueibao. Tama eno tigidali bidi deli deligo kolesaga dagalama, tama eno te augwa yali kolesaga usu nama wei ponobo dao,” wali.


Nago te bidi dago haligade geme elalubo homu te tigidali konea pai elalubo dao.


Genuai Bidi God te Saion hanude king bidibao. Dagego te aga nogi ugwaba siyu, te tęąbi waiyąo. Tama dagego te tigidali Israel hani isąwai bidiba po hanilama weyu, te agai yali tigidali bomai sę po waiyąo.


Dage tigidali we bidi hani, te po odiąo. Dage te tǫde bidibo bidi tigidali, te Godigo poba olo muiyąo. God Genuai Bidigo dage po tų ilaibao. Dagego odao. Genuai Bidi aga be te dagalude bidiyu, te po walio.


Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.


Genuai Bidi dagalude bidiyu, tama agai tǫde bidibo we bidi aiyaba tonalubo dao. Agai te kolesaga koneai bidi me deli gegeyu, te God gegebo sę ebowe naga suainu tebo dao.


Dago God Genuai Bidi tiwai bidi me deli elalubeo. Aga te ugwadu mu bidibao.


God, eno homugo nago ena bugagia dagala sulama, tama nago te enade elalubo homu kolesaga tigidali koneao. Ena usu siyu, tama nago te eno homu kolesaga tigidali bugagia koneao.


Swiv nou:

Piblisite


Piblisite