Godigo Nogi Ugwaba Sabo Tęąbi Po Wabo Buku Dabe 109:25 - Godigo dwagi yai po buku

²⁵ Te we bidi dabego ena sulama, tama enaba posobo po wabo dao. Tama augwa tobolu bebegelu, tama ena gisugu mobao.

Godigo Nogi Ugwaba Sabo Tęąbi Po Wabo Buku Dabe 109:25 Referans Kwoze

Polgo Po Pas Rom Dabeba Asęani 15:3

Te Kraisgo me, Krais aga digi aga homu wali me pabeo. Te meni. Te we bidi augwaligo agade nogi posobo po wali goli, aga Godigo homu naga wali pali. Te agade pedalali kolesaga te bidi mego Godibolo polobadu wali po tiwai gilama yai. Te bukude asęani po e dao: “Te God, te bidi dabe augwaligo nagebolo wabo dwai po wabo, te augwaligo dwai po wabo te po asiyu ena mesegelai dao,” te po asęani, tama te Kraisde usu nagasai dao.

Hibru 13:13

Tama tibaso, da me te pesage nigali te bulu badu agaba pelama, tama dago agai aga isibode tolali hale tiwai te dago me tolao.

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Dwagi Yai Gesi Po Makgo Asęani 15:29

Tama te augwali eda soyu, ugwa peyu ebo we bidi augwaligo dwai posobo po agabolo weyu yai. Augwaligo tobolu pemeyu, tama po wai, “Ia, nago te Moni Lotu Be tempel aluama tama te sela sogo naga ma sę yaiba wali bidi dao. Behede!

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Jopgo Po Asęani Elalubo Buku 16:4

Tiali goli, dagebolo walaibao. Ma, dage ena yaligia dwai bidigi sogo da, teda eno dagego te ebo kolesaga tiwai dage dali megi igi dao. Eno po hauwa wabo da, te eno hobede dagebolo ola mobao. Tama eno tobolu gagamunobogo dagebolo ola mayu, e tama tiwai igi dao, te dwai nai dageba pedalibaso, noma siyu tigi dao.

Godigo Nogi Ugwaba Sabo Tęąbi Po Wabo Buku Dabe 22:8

Augwaligo te po weyu, “Nago konealubo homu te Godiba mubo da,” wabo. “Magi baso agai nage ma sabewe? Te Godigo nage wei homu eyu da, te magi baso agai nage tau sabewe?” Augwaligo te tobage po wabo dao.