Godigo Nogi Ugwaba Sabo Tęąbi Po Wabo Buku Dabe 109:24 - Godigo dwagi yai po buku

²⁴ Ena te nai habu selama, tama eno kidu te bomo meni yai. Ena te nomona selama, tama eno dili tigidali te kimi mu isalio.

Godigo Nogi Ugwaba Sabo Tęąbi Po Wabo Buku Dabe 109:24 Referans Kwoze

Hibru 12:12

Godigo te dago ebo kolesaga dodolobo sę tama yaligo da, teda dagego agai po wali pabo kolesagade dage te bomo kimi isali bidi tiwai eyu biligimio. Te meni. Te dagego nogo te olo walalubo tiwai elalubo, te tagalao, dagego bomo ma sao. Tama te sągą kidu isai tiwai ebaso da, tagalama, te duga bomo elama dolaluao. Dage Godigo po wali pobadi, te dolo wiegi yai kolesaga naga yao, te bilibo bidi agai te dwagi yai dolo tųdu naga pabo tiwai yao. Te dage tomode bidibo bidi me deli aga Godigo po wali pabode bomo meniama tama aga tulaluidali weyu, dagego aga tau somainogo eyu, te dolo wiegi yai kolesaga naga eyu bidao.

Matyu 4:2

Tama Jisas nai tusiąbadi aga te bidi sese si siade me hulide me bidai. Tama nosali aga nasi yai.

Godigo Nogi Ugwaba Sabo Tęąbi Po Wabo Buku Dabe 22:14

Eno bomo tigidali silalio, augwa te tǫba wę gelama, te soa sabo tiwai gilama yai. Te dili ununani tigidali te guda pai. Eno homu te mu nagamea pali, te posolo yai ili wę pedalubo tiwai yali.

2 Korin 11:27

Eno sę dene haniani mu yalio. Hauwa sogo ena hulide sę eyu, tama ena godege me pibe. Ena nai sili bidali, tama ena ąį nogonego sali. Hauwa sogo eno nai gisilali. Ena kedaugo me siyu, tama ena ugwa me meni yai bidai dao.

Godigo Nogi Ugwaba Sabo Tęąbi Po Wabo Buku Dabe 69:10

Eno te nai me habu seliyu elama, tama te kolesaga ebogo te nago gedude ena digi te ena aiyaba elalubao. Tiali goli, te we bidi dabego enaba po dwai wai.

Jopgo Po Asęani Elalubo Buku 19:20

Ena dili pulu hą elama, ena mu nomona selama, bomo menia pali. Ena mu dolama, ena mu isabo ąǫ yali. Awe, pąde mu ena isai dao,” wali.

Godigo Nogi Ugwaba Sabo Tęąbi Po Wabo Buku Dabe 69:11

Eno te homu dene ebo ugwa gudali, tiali goli, te bidi dabego enaba dwai po weyu, tama posobo po enaba wai dao.