Godigo Nogi Ugwaba Sabo Tęąbi Po Wabo Buku Dabe 109:17 - Godigo dwagi yai po buku

¹⁷ Polobadu agai te gasa bidi dolomainu dwai po wainu yali, teda megi da, aga digi te dolomainao. Agai te gasa bidi dabeba te wiegi yai sę yabo po te Godiba me hanalube, teda agai me te wiegi yai mabo sę me selamuo.

Godigo Nogi Ugwaba Sabo Tęąbi Po Wabo Buku Dabe 109:17 Referans Kwoze

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Bugagia Bidibo Kolesagade Po Asęai Buku 14:14

Te dwai sę ebo bidi dabego te augwa ebo dwai kolesagade augwa dene dolo saibao. Tiali digi, te wiegi yai bidi dabego da, te augwa digi ebo wiegi yai kolesagade pemene ebo dao.

Esekiel 35:6

Tama tibaso, ena tigidali sogo bidibo God eno mu po mu e obao. Te boi bidi dabego dage elama, isilaibao. Te augwaligo dage munu me ma geda mugobeo. Dagego bidi dabe ela mubo kolesaga ebode hagela homu ebeo. Tialima, boi bidi dabego dage ela mubo kolesagade gagamua sogobeo.

Kraisgo Geme Dualali Sę Pedelabo Po Jonbolo Ola Mani 16:6

Te dwai sę ebo bidi dabe augwaligo te nago po odobo we bidi augwali dali, te nago po pusubo bidi dabe dali ela muyu, tama augwaligo kaneme gea sąwai dao. Tama nago te dwai bidi dabe augwalibolo kaneme mayu, tama augwa te kaneme tumainao. Augwaligo augwa te dwai sę yalide dolo mu te dene sabo dao,” te po te ąį tonalubo ensel bidigo wai.

Tuni Bidi Dabego Po Elalubo Buku Si 18:21

Tama mobo bidigo Genuai Bidibolo e tama po walali, ‘Ena pelama Ahap aga profet dabe aga ili po ola momainogo igi paibao,’ wali. Tama Genuai Bidigo te mobo bidibolo e tama po wali, ‘Nage pelama, aga ili po ola magi pao, tama agai nago po mu dao homu elama homu dąų waibao,’ Genuai Bidigo te po wabo eno odalio.” Mikaiago te po wai.

Te We Bidi Dabego Jerusalem Hagede Gela Wali 3:65

Nago augwaligo homu kolesaga dolama, i ola mabo po olama, tama augwali sese tama dolao.