Godigo Nogi Ugwaba Sabo Tęąbi Po Wabo Buku Dabe 109:10 - Godigo dwagi yai po buku

¹⁰ Tama eno homugo te aga wai dabego be meniyu, tama augwa dwai mu bidimainu yao, wali. Augwaligo te augwa bidibo bede te tologa pali bede megi bidibadi te ela gudulama, sela sąmainu yao.

Godigo Nogi Ugwaba Sabo Tęąbi Po Wabo Buku Dabe 109:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 37:25

Polobadu ena gesi ogwa bidi bidali, tama megi da ena monu dabe yalio, tiali goli te Godigo doloba pai bidi me deli tudiba mubo te eno me subeo. Tama te doloba pai bidi dabego wai dabe te nai sǫą pabo te eno me susiąyu, tama te gasa bidigo augwali tau somainu i me wabeo. Mu menio.

Aisaia 16:2

Tama augwaligo tuni bidibolo elama, po omainu yao, “Tuni bidi, te boi bidi dabego da dena hanu dabede, me dena bulu dabede pobeasa bilibaso, tama da wi pelama, te wę Arnon sesegeba bidigi pali. Tama da dodola mu bidibao. Da te bulude te ba gǫų aga bede tulaluama, tama subigila bilibo tiwai, da subigila bilibao, te ba buside bilibo tiwai ebao. Te da gela dali biliyu, tama tibao.

Godigo Nogi Ugwaba Sabo Tęąbi Po Wabo Buku Dabe 59:15

Augwali te yowi tiwai biliyu, te uga peyu, eda asiyu, te nai gegebo ebao, tama te augwali haliga pągąsiąbaso, augwali te i dwai mu weyu ebo dao.

Te Israel me Juda Hani Sigo Tuni Bidigo Po Elalubo Buku Si 5:27

Tiali goli, nago te Naman dali te mone me te haniani dodobage salio,” wali. “Tama tialima, te Namango tigide elaluali oiyabe gasi, megi te nage tigide pedalaibao. Tama nage dali, te naga hani te nosali pedalobo hanide, dage te oiyabe gasi tigidali sogo sesa peduagameo,” wali. Tama te Gehasigo te Elisa taga pabo sogo, te Gehasi te oiyabe gasi sali. Tama agai tigi usugali tigidali te tedela yai mugo sela pali.

2 Samuel 3:29

Tama Genuai Bidigo agade me te we wai sibi tigidalide homu kone palama yaibao, tama aga wąį te nosali pedalubode me, tama Genuai Bidigo te augwaliba dene mawaibao. Eno homugo te Joapgo hani bidi sibi deli delide te tobage gasi nogi gonoria me, oiyabe gasi me, ma augwali te we dabego sę naga emainu me, ma te boi bidi dabego augwali te hwįbo side ela mumainu homu ebo me, ma augwali te sesemane sogo nai nasi eyu, te nai sǫą pomainu homu ebao,” Devitgo te po wai.

Jopgo Po Asęani Elalubo Buku 5:4

Ao, augwa wai puluba dabe bugagia bidabo sunumi meni yai. Tama bidi dwai dabego augwali po tų ebode aiyaba elaluainu ebaso da, teda augwali po tų ebode kisa sabo hai namu meni yaibao, te po tųde ela holabo.

Jopgo Po Asęani Elalubo Buku 27:14

Te bidi dabego wai puluba hauwa elalubaso me tagalao, te boi bidi dabego augwaligo wai bǫų elama, isilagasaibao. Tama augwaligo hani da, tigidali sogo nai menia siduaibao.